Nepal's No.1 Filmy Web Magazine
नेपालमा कोरोना भाइरसको संक्रमित बढ्न थालेपछि सरकारले एक हप्ताका लागि ‘लकडाउन’ गरेको छ । यो अवधि लम्ब्याउने तयारीमा सरकार छ । कोरोना भाइरस रोकथाम तथा नियन्त्रणका लागि सरकारले ‘लकडाउन’ गरेपछि ज्यालादारी गरेर जीविकोपार्जन गर्नेहरुलाई समस्या परेको छ । यद्यपि, सरकारले मजदुरहरुका लागि १३ केजी खाद्यान्न घरमै पुर्याउन घोषणा भने गरिसकेको छ ।
सिंगो नेपाल अहिले कोरोना भाइरसको संक्रमण नियन्त्रण र रोकथामका लागि ‘लकडाउन’ (हिँडडुल र सवारी साधनको प्रतिबन्ध) मा छ । सरकारले गएको मंगलबारदेखि देशभर विभिन्न प्रतिबन्ध लागू हुनेगरी ‘लकडाउन’ घोषणा गरेको हो । यो भाइरसको संक्रमण फैलिन नदिने एउटा मात्र विकल्प जनतालाई घरभित्रै राख्नु भएकाले सरकारले ‘लकडाउन’ गर्ने निर्णय गरेको हो ।
सरकारले विश्वभर फैलिएको कोरोना भाइरस संक्रमण (कोभिड १९) रोकथाम तथा नियन्त्रणका लागि गरेको ‘लकडाउन’ को आज छैठौं दिन । एक हप्ताका लागि गरिएको ‘लकडाउन’ को अवधि पुनः एक हप्ता लम्ब्याउने तयारीमा सरकार छ । कोरोनाको संक्रमण फैलिन नदिन सरकारले गरेको यो निर्णयका कारण राष्ट्रपतिदेखि सर्वसाधारणसम्म घरभित्रै नजरबन्द हुनुपरेको छ ।
यतिबेला विश्व नै कोरोना भाइरसको भय र त्रासमा छ । विकसित र सुविधा एवं प्रविधिसम्पन्न देशहरूमा समेत यो भयावह अवस्था सजिलै नियन्त्रण हुन सकिरहेको छैन । नेपालमा पनि यो भाइरसको संक्रमण देखापरिसकेको छ । यसको संक्रमण फैलिन नदिन सरकारले एक हप्ताका लागि ‘लकडाउन’ को घोषणा गरेको छ । ‘लकडाउन’ अवधि लम्बिन सक्ने प्रवल सम्भावना देखिएको छ ।
सुरुमा चीनमा देखापरेको कोरोना भाइरसको संक्रमण अहिले चीनबाहिरका मुलुकमा तीव्र गतिमा फैलिरहेको छ । विश्व स्वास्थ्य संगठन (डब्ल्युएचओ) ले यस भाइरसको संक्रमणलाई ‘महामारी’ घोषणा गरिसकेको छ । हरेक दिन संक्रमितको संख्या बढ्दो क्रममा छ । नेपाल पनि यस भाइरसबाट अछुतो रहन सकेको छैन । हालसम्म चार जनामा यसको संक्रमण पुष्टि भैसकेको छ ।
