Nepal's No.1 Filmy Web Magazine
कोरोना भाइरस (कोभिड १९) को संक्रमण फैलिन नदिन सरकारले दुई हप्ता लामो ‘लकडाउन’ गरेपछि नेपाली फिल्मका हरेक गतिविधि ठप्प भएका छन् । कोरोनाको त्रासले फागुनबाटै फिल्म प्रदर्शनमा आउन छाडेका थिए भने ‘लकडाउन’ पछि फिल्मको छायांकन पनि रोकिएको छ । जसले गर्दा फिल्ममा मजदुरी गरेर परिवार पाल्ने प्राविधिकहरुलाई आर्थिक संकट परेको छ ।
कोरोना भाइरस (कोभिड १९) को संक्रमणबाट बच्न सरकारले दोस्रो पटक थप ८ दिनका लागि ‘लकडाउन’ गरेको छ । शुक्रवारसम्म ७ जनामा यो भाइरसको संक्रमण देखिसकेका कारण ‘लकडाउन’ को अवधि तेस्रो पटक पनि थपिने सम्भावना छ । कोरोनाको संक्रमणबाट बच्न जनतालाई घरभित्रै राख्नुभन्दा अरु विकल्प नभएकापछि सरकारले यो निर्णय लिन बाध्य भएको हो ।
अभिनेता अजय देवगन बिहीवार आफ्नो ५१औं जन्मदिन मनाइरहेका छन् । फिल्म ‘फूल और कांटे’ देखि यस वर्ष प्रदर्शनमा आएको फिल्म ‘तानाजी’ सम्मको सफर तय गरेका उनी इन्डस्ट्रीका ती नक्षत्र हुन्, जो कयौं वर्षपछि पनि प्रासंगिक बनिरहेका छन् । ९० को दशकमा आफ्नो करिअर सुरु गरेका उनले अहिलेको समयमा एउटा फिल्म गर्नका लागि भारी रकम लिने गर्दछन् ।
विश्वव्यापी रुपमा फैलिएको कोरोना भाइरसको संक्रमणबाट बच्न सरकारले दुई हप्ता लामो ‘लकडाउन’ गरेपछि अहिलेकी हटकेक अभिनेत्री साम्राज्ञी आरएल शाह गएको दश दिनदेखि घरभित्रै छन् । सामाजिक सञ्जालको माध्यमबाट आफ्ना शुभचिन्तकलाई विशेष सावधानी अपनाएर घरमै सुरक्षित रुपमा बस्न आग्रह गर्दै आएकी उनको दैनिकी भने फिल्म हेरेर वितिरहेको छ ।
कोरोना भाइरसको संक्रमणबाट बच्नका लागि देश दुई साता लामो ‘लकडाउन’ मा छ । यो समयमा अत्यावश्यक कामबाहेक घरभन्दा बाहिर निस्कन नपाइने हुँदा अधिकांश जनता घरभित्रै बस्न बाध्य छन् । विभिन्न मुलुक हुँदै नेपालमा समेत भित्रिसकेको यो भाइरसका कारण हरेकको मनमा मनोवैज्ञानिक त्रास उत्पन्न भएको छ भने देशको अर्थ–व्यवस्थालाई नै खल्बल्याएको छ ।
