Nepal's No.1 Filmy Web Magazine

नेपाल तीन हप्ताका लागि लकडाउनमा छ । विश्वभर फैलिएको कोरोना भाइरसको संक्रमण नेपालमा पनि देखिएपछि सरकारले बन्दाबन्दी गर्ने निर्णय गरेको हो । यो समयमा घरभन्दा बाहिर निस्कन नपाइने हुँदा आम सर्वसाधारणझैँ नेपाली सेलिब्रेटीहरु पनि घरभित्रै नजरबन्द हुनुपरेको छ । वर्षमा विरलै घरमा बस्न पाउने कलाकारहरु अहिले परिवारसँग बसेर समय विताइरहेका छन् ।

कोरोना भाइरस (कोभिड १९) को संक्रमणबाट बच्न सरकारले तीन हप्ता लामो ‘लकडाउन’ गरेपछि देशभरका विभिन्न ठाउँमा रगत अभाव भएको छ । रगतको अभावलाई मध्यनजर गर्दै फिल्म ‘प्रेमगीत ३’ को टिमले बिहीवार रक्तदान गरेको छ । फिल्मसँग जोडिएका ४० जनाले रक्तदान गरेको निर्देशक, कलाकार तथा निर्माता सन्तोष सेनले फेसबुकमार्फत् जानकारी दिएका छन् ।

अहिलेको समयमा आफूलाई डिमान्डेड अभिनेत्रीको रुपमा उभ्याएकी वर्षा राउतले फिल्म अभिनयमा पाइला राखेको चार वर्ष वितेको छ । विकासराज आचार्य निर्देशित फिल्म ‘नाईं नभन्नू ल ४’ बाट उनले अभिनेत्रीको रुपमा सुखद डेब्यू गरेकी थिइन् । यो फिल्म निर्माण भएको बुधवारबाट चार वर्ष पूरा भएको छ । यसमा उनको अभिनयको दर्शक तथा समीक्षकले प्रशंसा गरेका थिए ।

कोरोना भाइरसबाट अमेरिका सबैभन्दा पीडित राष्ट्र बनेको छ । विश्वमै १५ लाख १३ हजार २४३ जना संक्रमित हुँदा अमेरिकामा मात्र ४ लाख २० हजार २१० जना संक्रमित भएका छन् । अहिलेसम्म त्यहाँ यो भाइरसबाट १४ हजार ७ सयभन्दा बढीको मृत्यु भइसकेको छ । कोरोनाको संक्रमणपछि अमेरिका विश्व शक्तिराष्ट्रको पहिलो नम्बरबाट हट्नसक्ने अनुमान समेत गरिएको छ । 

साउथ सुपरस्टार अल्लू अर्जुन बुधवारबाट ३७औं वर्षमा प्रवेश गरेका छन् । सन् १९८३ अप्रिल ८ मा उनको जन्म भारतको चेन्नईमा भएको थियो । उनी निर्माता अल्लू अरविन्दका छोरा हुन् । अल्लू अर्जुन एक कुशल अभिनेतासँगै सानदार डान्सर पनि हुन् । उनको फ्यान फलोइंग विश्वभर छ । उनले आफ्नो जन्मदिनको अवसरमा नयाँ फिल्म ‘पुष्पा’ को फर्स्ट लुक सार्वजनिक गरेका छन् ।

विश्व यतिबेला कोरोना भाइरसबाट आक्रान्त छ । चीनबाट फैलिएको यो भाइरसले विश्वको शक्तिशाली राष्ट्र अमेरिकालाई समेत आफ्नो कब्जामा पारिसकेको छ । यसबाट नेपाल कसरी अछुतो रहन सक्थ्यो होला र ! ठूलो संख्यामा कोरोना संक्रमित नदेखिए पनि अहिलेसम्म ९ जना नेपालीमा सङ्क्रमण पुष्टी भइसकेको छ । जसमध्ये एक जना निको भएर घर फर्किसकेका छन् ।