Nepal's No.1 Filmy Web Magazine

एक महिनायता ‘महानायक’ विवादमा फिल्म क्षेत्र तातिरहेको अवस्थामा अभिनेत्री निरुता सिंहले शनिवार फेसबुकमा भुवन केसीलाई आफ्नो सपनाको महानायक भनेपछि सामाजिक सञ्जाल प्रयोगकर्ता उनीमाथि खनिएका छन् । भुवन केसीलाई सम्मान दिने बहानामा राजेश हमालको अपमान गरेको र भुवन केसीको चमचागिरी गरेको भन्दै उनको विरोध भइरहेको छ ।

तुलसी घिमिरे निर्देशित फिल्म ‘दक्षिणा’ बाट निरुता सिंहले अभिनेत्रीको रुपमा डेब्यू गरेकी थिइन् । यसमा उनको अपोजिटमा भुवन केसी थिए । यो फिल्म बक्सअफिसमा सुपरहिट भएपछि निरुताको करिअरले एकाएक उचाइ लिएको थियो । यसकारण पनि उनका लागि यो फिल्म निकै विशेष छ । ‘दक्षिणा’ पछि निर्देशक घिमिरेका हरेक फिल्ममा उनले स्थान पाउन थालेकी थिइन् । 

कोरोना भाइरसको महामारीका कारण गएको पाँच महिनायता फिल्म क्षेत्रमा कुनै प्रकारका गतिविधि भएका छैनन् । यो अवस्था अझै कहिलेसम्म लम्बिने हो, कुनै निश्चित छैन । सरकार अन्य क्षेत्र सञ्चालन गर्ने विषयमा उदार देखिए पनि फिल्म क्षेत्र खोल्न गम्भीर देखिएको छैन । न त फिल्मकर्मीहरुले नै सरकारलाई फिल्म क्षेत्र खोल्नका लागि प्रभावकारी दबाब दिन सकेका छन् । 

‘धडक’ बाट बलिउडमा आफ्नो पाइला राखेकी स्वर्गीय श्रीदेवीकी छोरी जाह्रवी कपूर अभिनीत दोस्रो फिल्म ‘गुञ्जन सक्सेना : द करगिल गर्ल’ लाई लिएर जबरजस्त ‘बज’ बनिरहेको छ । जब फिल्मको पोस्टर रिलिज भयो, हर कोही यो फिल्ममा जाह्रवीको भिन्न रुप हेर्न उत्साहित थिए । यसबीच, डिजिटल प्लेटफर्ममा रिलिज हुन लागेको फिल्मको ट्रेलर शनिवार सार्वजनिक भएको छ ।

कोरोनाका कारण गएको पाँच महिनायता सिनेमा हलमा ताल्चा लागेको छ । फिल्म निर्माण र प्रदर्शन पूर्ण रुपमा रोकिएको छ । लकडाउन अन्त्य भएपछि विभिन्न क्षेत्र खोल्न सरकारले अनुमति दिए पनि फिल्म क्षेत्रमा अनिश्चितकालका लागि प्रतिबन्ध लगाइएको छ । अन्य क्षेत्र खुल्ला गरेर यो क्षेत्रमा प्रतिबन्ध लगाउने सरकारको निर्णयको अहिले फिल्मकर्मीहरुले विरोध गरिरहेका छन् ।

नेपाली फिल्मले ६ दशक लामो यात्रा पार परिसकेको छ । यो अवधिमा फिल्म क्षेत्र कयैन् आरोह-अवरोहको साक्षी बन्यो । तत्कालिन माओवादीले गरेको जनयुद्धमा यो क्षेत्र धरासायी भएको थियो । शान्ति प्रक्रियापछि फिल्म क्षेत्र केही हदसम्म तंग्रियो । तर, पहिलो संविधान सभाको निर्वाचनपछि मुलुकमा बढेको राजनीतिक अस्थिरताको असर फिल्म क्षेत्रले पनि भोग्यो ।