Nepal's No.1 Filmy Web Magazine

कोरोना भाइरसको संक्रमण रोकथामका लागि सरकारले लकडाउन घोषणा गरेपछि अभिनेता पुष्प खड्का करीब ६ महिना फिल्म र म्यूजिक भिडियोको काम रोकिँदा फुर्सदिला भए । लकडाउनमा उनको दैनिकी घरभित्रै वित्यो । निषेधाज्ञा खुकुलो भएपछि लगातार म्यूजिक भिडियोमा काम गरिरहेका उनले लकडाउनभन्दा अगाडि फिल्म ‘चालबाज’ को छायांकन सकाएका थिए ।

कोरोनाका कारण सात महिनादेखि सिनेमा हलमा ताल्चा लागेको छ । जसले गर्दा निर्माण सम्पन्न भएका फिल्म प्रदर्शनमा आउन सकेका छैनन् । अघिल्ला वर्षमा दशैंको छेकोमा सिनेमा हलमा फिल्म हेर्ने दर्शकको भीड हुन्थ्यो । तर, यसपालीको दशैंमा सिनेमा हल सुनसान छन् । दशैंलाई प्रदर्शन मिति घोषणा गरेका फिल्मको कोरोनाका कारण छायांकन समेत पूरा हुन सकेको छैन । 

फिल्म ‘दिलवाले दुल्हनिया ले जाएंगे’ रिलिजको २५ वर्ष पूरा भएको अवसरमा लण्डनको लिसेस्टर स्क्वायरमा अभिनेता शाहरुख खान र काजोलको काँसको मूर्ति राखिने भएको छ । ट्रेड एनालिस्ट तरण आदर्शले ट्विटरमार्फत् यसको जानकारी दिएका हुन् । उनका अनुसार, यो प्रतिमा अर्को वर्ष (२०२१) अनावरण गरिनेछ । यो यूकेमा बनाइएको पहिलो बलिउड फिल्मको प्रतिमा हुनेछ । 

नेपालमा पहिलो पटक विद्यालयको पाठ्यक्रममा फिल्म समेटिएको छ । आउँदो शैक्षिक सत्रदेखि ११ र १२ कक्षामा फिल्म र डकुमेन्ट्री विषयको पढाई हुने भएको छ । चलचित्र विकास बोर्डले आधारभूत तहदेखि नै फिल्म पढाउने तयारी अन्तिम चरणमा पुगेको बताए पनि पाठ्यक्रम विकास केन्द्रले आउँदो शैक्षिक सत्रदेखि ११ र १२ कक्षामा मात्र फिल्म पढाइने जानकारी दिएको छ ।

अभिनेता पल शाह र अभिनेत्री साम्राज्ञी आरएल शाहले पहिलो पटक ठूलो पर्दामा स्क्रिन शेयर गर्दैछन् । निर्माता रमेश एमके पौडेलले निर्देशन गर्न लागेको फिल्म ‘रेड वाइन’ मा उनीहरुले एकसाथ काम गर्न लागेका हुन् । गएको महिना उनीहरुले यो फिल्म साइन गरेका थिए । पल र साम्राज्ञीले पहिलो पटक अनस्क्रिन रोमान्स गर्न लागेका कारण फिल्मप्रति धेरैको चासो बढेको छ ।

कोरोना भाइरसका कारण सात महिनादेखि ठप्प रहेको नेपाली फिल्म क्षेत्रलाई अझै सरकारले सञ्चालन अनुमति दिएको छैन । संक्रमणको उच्च जोखिममा पर्ने क्षेत्र भएकाले सरकार फिल्म क्षेत्रलाई सबैभन्दा अन्तिममा खोल्ने तयारीमा छ । तर, फिल्मकर्मीहरुले भने सरकारलाई चुनौती दिँदै फिल्म निर्माण गर्न थालेका छन् । अहिले केही फिल्मको छायांकन भइरहेको छ ।