Nepal's No.1 Filmy Web Magazine
कोरोनाको संक्रमणबाट बच्न ९ महिनादेखि बन्द रहेका सिनेमा घरहरु पुष १० गतेबाट खुलेका छन् । सरकारले सिनेमा हल खोल्न चासो नदेखाएपछि हल व्यवसायीहरुले एकतर्फी रुपमा सिनेमा हल खोल्ने घोषणा गरेका थिए । अन्ततः हल व्यवसायीको अडानका सामु सरकार पनि झुक्यो । आइतवार मन्त्रीपरिषदको बैठकले सिनेमा हल खोल्न कानुनी रुपमा अनुमति दिएको छ ।
‘जुमान्जी’ सिरिज हलिउडको सबैभन्दा ठूलो बजेटको मेकिङ फ्रेन्चाइजमध्ये एक हो । ड्वेन जोनसन (दि रक) को ‘जुमान्जी : वेलकम टू द जंगल’ र ‘जुमान्जी : द नेक्स्ट लेभल’ ले बक्सअफिसमा आक्रामक कमाई गरेको थियो । अब ‘जुमान्जी’ को चौथो पार्टको प्रतिक्षामा दर्शक छन् । निर्माताहरु यो फिल्मको तयारीमा समेत जुटेका छन् । ‘जुमान्जी ४’ को अफर ड्वेनलाई नै गरिएको छ ।
कोरोनाको संक्रमण रोकथामका लागि लकडाउन घोषणा हुनुभन्दा अगावै सरकारले सिनेमा हल सञ्चालनमा प्रतिबन्ध लगाएको थियो । दुई चरणको बन्दाबन्दीपछि सरकारले भीडभाड हुने विभिन्न क्षेत्रलाई सञ्चालनको अनुमति दिएपनि सिनेमा हलमाथिको प्रतिबन्ध कायमै राखेको थियो । आइतवार मन्त्रीपरिषदको बैठकले १० महिनापछि सिनेमा हल खुलाउने निर्णय गरेको छ ।
फिल्म ‘लप्पन छप्पन २’ नेपालीसहित चार भाषामा रिलिज हुने भएको छ । आउँदो फागुन २७ गतेबाट प्रदर्शनमा आउन लागेको यो फिल्म नेपाली, हिन्दी, तमिल र भोजपुरी भाषामा रिलिज हुन लागेको हो । आइतवार निर्माण टिमले एक पोस्टर सार्वजनिक गर्दै यसबारेमा जानकारी दिएको हो । फिल्मको मुम्बईमा हिन्दी, तमिल र भोजपुरी भाषामा डब गरिने निर्देशक मुकुन्द भट्टले बताए ।
कोरोनाका कारण सरकारले सिनेमा हल सञ्चालनमा लगाएको प्रतिबन्ध १० महिनापछि खुल्ला गरेको छ । आइतवार बसेको मन्त्रिपरिषद् बैठकले सिनेमा हल खुलाउने निर्णय गरेको हो । स्वास्थ्य मापदण्ड अपनाएर सरकारले सिनेमा हल सञ्चालनको अनुमति दिएको हो । केही दिनअघि सीसीएमसीले सिनेमा हललाई सञ्चालनको अनुमति दिन मन्त्रीपरिषद्लाई पत्र लेखेको थियो ।
अभिनेता ऋतिक रोशन र अभिनेत्री दीपिका पादुकोण पहिलो पटक सिल्भर स्क्रिनमा एकसाथ देखिने भएका छन् । ‘वार’ फेम्ड निर्देशक सिद्धार्थ आनन्दको नयाँ फिल्म ‘फाइटर’ मा उनीहरुको जोडी बाँधिएको छ । आइतवार ऋतिकको जन्मदिनमा अवसरमा यो फिल्मको औपचारिक रुपमा निर्माण घोषणा गरिएको हो । निर्देशक अनन्दले एक भिडियोमार्फत् फिल्मको घोषणा गरेका हुन् ।
