Nepal's No.1 Filmy Web Magazine
कोभिड १९ का कारण बन्द भएका सिनेमा घरहरु पुष १० गतेबाट खुलेका छन् । सरकारको निर्णय कुर्दाकुर्दा निराश भएपछि हल व्यवसायीहरुले एकतर्फी रुपमा हल खोल्ने घोषणा गरेका थिए । आइतवारबाट भने सरकारले कानुनी रुपमा हल सञ्चालनको अनुमति दिएको छ । सरकारले हल खुलाउने निर्णय गरेसँगै सिनेमा हल सञ्चालन र अनुगमनको मापदण्ड पनि बनाएको छ ।
तमिल सुपरस्टार विजय र विजय सेतुपती स्टारर फिल्म ‘मास्टर’ भोलीबाट भारतसँगै विभिन्न देशमा एकसाथ प्रदर्शनमा आउँदैछ । यो फिल्मले कोरोनाका कारण धरासायी अवस्थामा पुगेको तमिल फिल्म इन्डस्ट्रीलाई आफ्नो लयमा फर्काउने अपेक्षा गरिएको छ । तेलगु, कर्णाटक र हिन्दी भाषामा समेत रिलिज हुन लागेको फिल्मको भारतमा आइतवारबाटै अनलाइन बुकिङ खोलिएको छ ।
भोली माघे संक्रान्तिको अवसरमा प्रदर्शनमा आउन लागेको मल्टीस्टारर फिल्म ‘एउटा यस्तो प्रेम कहानी’ को ट्रेलर सार्वजनिक भएको छ । दिपेश सापकोटाले निर्देशन गरेको फिल्मको ट्रेलर संवादरहित छ । गीत र एक्सनलाई विशेष प्राथमिकता दिइएको ट्रेलरमा कुनै पनि कलाकारको संवाद समावेश गरिएको छैन । ट्रेलरमा प्रेम, रोमान्स, विछोड र रोदनलाई पनि अटाइएको छ ।
अभिनेता रजनीकान्तले स्पष्ट रुपमा आफू राजनीतिमा प्रवेश नगर्ने बताएका छन् । आफू राजनीतिमा प्रवेश नगर्ने र यसबारेमा पूनर्विचार गर्न कुनै कार्यक्रमको आयोजना नगर्न पनि उनले सोमवार एक स्टेटमेन्ट जारी गर्दै प्रशंसकलाई आग्रह गरेका छन् । आइतवार उनका समर्थकहरुले आफ्नो फैसला बदलेर राजनीतिमा आउन अनुरोध गर्दै वेल्लुवर कोट्टममा प्रदर्शन गरेका थिए ।
कुनै पनि कम्पनीले आफ्नो उत्पादनको प्रबद्र्धनका लागि नेपाली फिल्मका कलाकारलाई ब्रान्ड एम्बेस्डरमा रोज्ने गरेका छन् । तर, एक कम्पनीले भने फिल्म निर्देशकलाई ब्रान्ड एम्बेस्डरमा नियुक्त गरेको छ । निर्देशक तुलसी घिमिरेलाई सलाई डेस्टिनीले ब्रान्ड एम्बेस्डरमा नियुक्त गरेको हो । सम्भवतः कुनै कम्पनीको ब्रान्ड एम्बसेडरमा फिल्म निर्देशक नियुक्त भएको यो पहिलो हो ।
धेरैका लागि मुम्बई सपनाको शहर हो । यहाँ लाखौंलाख आँखा सपनाकै खोजीमा पुग्छन् । धेरै नेपाली कलाकारहरु पनि बलिउडमा जम्ने सपनाको भारी बोकेर मुम्बई पुगेका छन् । तर, एकाधले मात्र त्यहाँ आफूलाई स्थापित गर्न सफल भए । प्रायः त संघर्षबाट थाकेर मुम्बईमा वर्ष दिन पनि टिक्न सकेनन् । कति अझै बलिउड प्रवेशको सपना बोकेर मुम्बईमा संघर्षरत छन् ।
