Nepal's No.1 Filmy Web Magazine
गएको पुष १० गतेबाट ९ महिनापछि सञ्चालनमा आएका सिनेमा हलमा माघे संक्रान्तिबाट अभिनेता शिव श्रेष्ठ निर्मित तथा अभिनीत फिल्म ‘एउटा यस्तो प्रेम कहानी’ प्रदर्शनमा आएको छ । अन्य निर्माता यो समयमा फिल्म प्रदर्शन गर्न तयार नहुँदा अभिनेता श्रेष्ठले जोखिम उठाएका थिए । यो फिल्मले सिनेमा हलमा दर्शक फर्काउनेमा फिल्मकर्मीदेखि हल सञ्चालकसम्म पूर्ण विश्वस्त थिए ।
निर्माणको तयारीमा रहेको अभिनेता आर्यन सिग्देल र अभिनेत्री उपासना सिंह ठकुरीको मुख्य भूमिका रहने लभस्टोरी फिल्म ‘डिसेम्बर फल्स’ को अष्ट्रेलिया राइट्स बिक्री भएको छ । नेप आर्ट यूट्युब डिजिटल र एजुकेसन एण्ड माइग्रेसन कर्नरले महंगो मुल्यमा फिल्मको अष्ट्रेलिया राइट्ससँगै यूट्युब अधिकार खरिद गरेको हो । शनिवार दुई पक्षबीच कागजी सम्झौता भएको छ ।
फिल्म निर्माता, कलाकार तथा स्वास्थ्यकर्मी रोहिणी भट्टराईको निधन भएको छ । शुक्रवार ४२ वर्षको उमेरमा मेडिसिटी अस्पतालमा उपचारका क्रममा उनको निधन भएको हो । उनी यस अस्पतालका पब्लिक रिलेसन र फ्यासिलिटी सर्भिसको डिपार्टमेन्ट म्यानेजर थिए । उनले आफ्नो एउटा आउटसोर्सिङ कम्पनी ‘इनोभेटिभ एचआर सोलुसन’ पनि चलाउँदै आएका थिए ।
अभिनेत्री कंगना रनावतले आफू निर्देशित तथा अभिनीत फिल्म ‘मणिकर्णिका : द क्विन अफ झाँसी’ को दोस्रो पार्ट बनाउने भएकी छन् । यसपटक फिल्मको नाम ‘मणिकर्णिका रिटर्न्स : द लिजेन्ड अफ दिद्दा’ राखिएको छ । फिल्मलाई ठूलो क्यानभासमा निर्माण गरिने बताइएको छ । यसलाई वास्तविक जीवनका महिला नायिकामाथि विश्वस्तरीय फ्रेन्चाइजी बनाउने कंगनाको योजना छ ।
अभिनेत्री पूजा शर्माले फिल्ममा जुन अभिनेतासँग काम गर्छिन्, उसैसँग अफेयरमा हल्ला चल्छ । ‘प्रेमगीत’ रिलिजताका प्रदीप खड्का र ‘म यस्तो गीत गाउँछु’ को समयमा पल शाहसँग उनको नाम जोडिएको थियो । ‘रामकहानी’ मा सँगै काम गरेपछि उनी अभिनेता आकाश श्रेष्ठको प्रेममा डुबेको चर्चा छ । तर, उनीहरु आफूहरुबीच साथीभन्दा माथिको सम्बन्ध नभएको दाबी गर्छन् ।
गत वर्षको फागुन अन्तिममा अभिनेत्री आँचल शर्मा र डा.उदिप श्रेष्ठले लगनगाँठो कसेका हुन् । दुई वर्ष लामो प्रेम सम्बन्धपछि विवाह गरेका उनीहरु सार्वजनिक कार्यक्रममा खासै एकसाथ जान पाएका थिएनन् । विवाहको एक हप्तामा देश लकडाउन भएपछि उनीहरुले एकअर्कासँग नै बढी समय विताए । अहिले भने निमन्त्रणा आउने ठाउँमा उनीहरु साथमा नै पुग्न थालेका छन् ।
