Nepal's No.1 Filmy Web Magazine

राजनीतिक परिदृश्यमा देखिएको पछिल्लो अवस्था र प्रतिनिधिसभाको विघटनपश्चात् सिर्जित राजनीतिक अस्थिरताले आम मानिसमा राजनीतिप्रति विश्वास र भरोसाभन्दा वितृष्णा जगाएको छ । प्रतिनिधिसभाको विघटनपछि राजनीतिमा एकअर्काप्रति आरोप, अपमान, लाञ्छना, व्यक्तिगत आक्रमण हुनु सामान्य भएपछि नेपाली कलाकारहरुले पनि चिन्ता व्यक्त गर्न थालेका छन् । 

सदावहार अभिनेत्री करिश्मा मानन्धर बिहीवारबाट ४७ वर्षमा प्रवेश गरेकी छन् । २०३० साल माघ २२ गते काठमाडौँ, बत्तीसपुतलीमा जन्मिएकी उनको वास्तविक नाम भने बुनु केसी हो । १४ वर्षको उमेरमा अभिनय करिअर सुरु गरेकी उनले फिल्ममा आएपछि नाम परिवर्तन गरेर करिश्मा राखेकी थिइन् । एक समय उनी नेपाली फिल्मकी निर्विकल्प अभिनेत्री झैँ थिइन् ।

‘अर्जुन रेड्डी, डियर कमरेड’ जस्ता फिल्मबाट जबरजस्त फ्यान फलोइंग बनाएका साउथ सुपरस्टार विजय देवरकोन्डा चाँडै बलिउड फिल्ममा डेब्यू गर्दैछन् । करण जोहरको प्रोडक्सनमा बनेको पुरी जगन्नाध निर्देशित फिल्म ‘लिगर’ मा उनले मुख्य भूमिका निर्वाह गरेका छन् । विजयसँग करणले यो फिल्मसँगै अरु दुई फिल्मका लागि पनि सम्झौता गरेको भारतीय मिडियाले बताएका छन् ।

रोमान्टिक नायकको छवि बनाएका आर्यन सिग्देल अहिले एउटा हिट फिल्मको खोजीमा छन् । ‘क्लासिक’ पछि सफलताको सुख प्राप्त गर्न नसकेका उनले आफ्नो खस्कँदो करिअरलाई उठाउन फिल्म ‘कायरा’ समेत निर्माण गरे । तर, यसले उनको फ्लप फिल्मको श्रृंखलामा पूर्ण विराम लगाउन सकेन । उनले ठूलो आश गरेका दुई फिल्म ‘हजार जुनीसम्म र चच हुईं’ पनि चलेनन् ।

‘हिम्मतवाली’ फेम्ड अभिनेता रविन्द्र प्रताप सेन स्टारर फिल्म ‘गोर्खे’ को प्रदर्शन मिति घोषणा गरिएको छ । केही दिनअघि शीर्ष गीत सार्वजनिक गरेको निर्माण टिमले आउँदो फागुन २१ गतेलाई फिल्मको प्रदर्शन मिति घोषणा गरेको हो । दर्शकहरु सिनेमा हलसम्म पुग्ने माहोल राम्रो बन्दै गएका कारण फागुनमा फिल्म प्रदर्शन गर्न लागेको वितरक करण श्रेष्ठ ‘क्रेजी’ ले जानकारी दिए ।