Nepal's No.1 Filmy Web Magazine
कोरोनाका कारण बन्द रहेका प्रायः सबै क्षेत्र खुलिसकेका छन् । तर, सरकारले लकडाउन गर्नुभन्दा अगावैदेखि बन्द भएको फिल्म क्षेत्र अझै ठप्प छ । दशैंदेखि फिल्म छायांकन सुरु भए पनि आठ महिनादेखि बन्द रहेका सिनेमा हलहरु खुल्न सकेका छैनन् । फिल्म सम्बद्ध विभिन्न संघ-संस्थाहरुले सिनेमा हल, फिल्म निर्माण र प्रदर्शनको अनुमति दिन आग्रह गर्दा समेत सरकार मौन छ ।
प्रेम सम्बन्ध सार्वजनिक गर्दा करिअर ध्वस्त हुने सोचाई कलाकारमा छ । यही डरले प्रायः कलाकारहरु प्रेम सम्बन्ध गोप्य राख्न चाहन्छन् । कति भने प्रेम जीवन लुकाउन चाहँदैनन् । प्रियंका कार्की-आयुष्मान देशराज जोशी, वर्षा राउत-संजोग कोइराला, सौगात मल्ल-सृष्टि श्रेष्ठलगायतका जोडीले खुलेरै प्रेम व्यक्त गरे । तर, यहाँ प्रेम सम्बन्ध खुलाउनेभन्दा लुकाउनेको संख्या ठूलो छ ।
अभिनेता वरुण धवन र अभिनेत्री सारा अली खानले पहिलो पटक स्क्रिन शेयर गरेको फिल्म ‘कुली नम्बर १’ लामो समयदेखि चर्चामा छ । पहिला यो फिल्म थिएटरमा रिलिज हुने तयारीमा थियो, तर अब अमेजन प्राइम भिडियोमा रिलिज हुनेछ । फिल्मको ट्रेलर चाँडै सार्वजनिक हुँदैछ । यसबीच, फिल्मको पोस्टर सार्वजनिक गरिएको छ । पोस्टरमा वरुण र सारा फिचर छन् ।
‘पाइरेट्स अफ द क्यारिबियन’ फेम अभिनेता जोनी डेपले ‘द सन’ पत्रिकासँगको मुद्धा हारेपछि निर्माण कम्पनी वार्नर ब्रोसको दबाबमा फिल्म ‘फ्यान्टास्टिक बिस्टस्’ छाड्ने घोषणा गरेका थिए । यसपछि उनको ठाउँमा ‘फ्यान्टास्टिक बिस्टस् ३’ मा कसको प्रवेश हुन्छ भन्ने धेरैलाई चासो थियो । निर्माण टिमले जोनीले निर्वाह गरेको चरित्र गेलर्ट ग्रिन्डेलवाल्डको रिप्लेसमेन्ट खोजेको छ ।
कोरोना महामारीका कारण घरभित्रै कुँजिनुपर्दा मानिसमा मानसिक समस्या देखिएको छ । रोजगारी गुमाउँदा, आय आर्जनको बाटो बन्दा हुँदा, पठनपाठन स्थगितलगायतका कारणले मानिसमा छटपटी र चिन्ता बढेको छ । यसका कारण कतिपयले आत्महत्याको बाटो समेत रोजेका छन् । यो समयमा मनको अशान्ति भगाउँदै शरीर फूर्तिलो बनाउनु अपरिहार्य बनेको छ ।
रेश्मा घिमिरेलाई टिकटक स्टारको रुपमा चिन्ने गरिन्छ । उनले टिकटकमा बनाएका भिडियोबाटै ठूलो लोकप्रियता कमाएकी छन् । टिकटकमा आफ्नो अभिनय कला प्रस्तुत गर्नुभन्दा अगाडि उनले नेपाली फिल्ममा अभिनय गरेकी थिइन् । करीब ६ वर्ष अगाडि प्रदर्शनमा आएको फिल्म ‘यो साइनो मायाको’ उनको डेब्यू फिल्म थियो । तर, यो फिल्मले उनलाई सफलताको सुख दिन सकेन ।
