Nepal's No.1 Filmy Web Magazine

कञ्चनपुरकी १३ वर्षीया बालिका निर्मला पन्तको बलात्कारपछि हत्या भयो । हत्या भएको दुई वर्ष बितिसक्दा पनि सरकारले हत्यारा पहिचान गर्न सकेको छैन । अनुसन्धान अझै जारी रहे पनि यसमा खासै प्रगति भएको देखिन्न । निर्मला त पछिल्लो समयकी एक प्रतिनिधि पात्र मात्र हुन् । मुलुकमा दिनहुँ आधा दर्जनभन्दा बढी महिला तथा बालिका बलात्कारको सिकार भइरहेका छन् ।

साउथका दुई ठूला सुपरस्टार जुनियर एनटीआर र राम चरणले एकसाथ अभिनय गरेको फिल्म ‘आरआरआर’ घोषणाको समयदेखि नै चर्चामा छ । १० भाषामा रिलिज हुन लागेको फिल्मलाई प्रदर्शन मिति घोषणापछि ५ भाषाका लागि ३ सय ४८ करोडको थिएट्रिकल राइट्स अफर मिलेको छ । तर, अहिलेसम्म निर्माण टिमले फिल्मको थिएट्रिकल राइट्स विक्री गरेको छैन । 

निर्देशक दीपेन्द्र के. खनाल र अभिनेत्री स्वस्तिमा खड्का जुन फिल्ममा आबद्ध हुन्छन्, त्यसमा आफ्नो तर्फबाट शतप्रतिशत दिन कुनै कसर छाड्दैनन् । जुन कुरा स्वस्तिमाले ‘बुलबुल’ बाट र दीपेन्द्रले ‘पशुपति प्रसाद र आमा’ बाट प्रमाणित गरिसकेका छन् । पहिलो पटक फिल्म ‘लभ लभ लभ’ मा सहकार्य गरेका उनीहरु अब दोस्रो पटक फिल्म ‘चिसो मान्छे’ मा सँँगै काम गर्दैछन् ।

नेपालमा रहेको विश्वको सर्वोच्च शिखर सगरमाथा आरोहण गर्ने विश्वकै पहिलो नेपाली तेन्जिङ नोर्गे शेर्पाको बारेमा अमेरिकाका पूर्व राष्ट्रपति बाराक ओबामले फिल्म बनाउने भएका छन् । ओबामा दाम्पतीको प्रोडक्सन कम्पनी ‘हाइअर ग्राण्ड प्रोडक्सन’ ले नेटफ्लिक्ससँगको सहकार्यमा फिल्म निर्माण गर्न लागेको हो । जेनिफर पिडमले निर्देशन गर्ने फिल्मको नाम ‘तेन्जिङ’ हुनेछ ।

अभिनेत्री नीता ढुंगानाले देशको पछिल्लो राजनीतिक घटनाक्रमप्रति चिन्ता व्यक्त गरेकी छन् । भोजपुरी फिल्म ‘माही’ को छायांकनका लागि भारतको ताजनगरी आगरामा रहेकी उनले देश र जनताको हितमा काम गर्ने भनेका नेताहरुले जनतालाई नै दुःख दिने गरेको बताएकी छन् । देशभन्दा आफ्नो लागि सोच्ने नेताहरु धेरै भएका कारण जनताले दुःख पाएको उनको गुनासो छ ।