Nepal's No.1 Filmy Web Magazine
डिसेम्बर २०२० मा अभिनेता आयुष्मान खुरानाले फिल्म ‘डक्टर जी’ को घोषणा गरेका थिए । यसमा उनले पहिलो पटक डक्टरको भूमिका निर्वाह गर्दैछन् । जंगली पिक्चर्सले निर्माण गर्ने फिल्ममा उनको अपोजिटमा अभिनेत्री रकुल प्रित सिंह देखिने भएकी छन् । उनीहरुले पहिलो पटक स्क्रिन शेयर गर्न लागेका हुन् । फिल्मको हिस्सा बन्न पाएकोमा रकुलले खुसी व्यक्त गरेकी छन् ।
फिल्मका विभिन्न विधामा अध्यापन गराउने उद्येश्यसहित १६ वर्ष अगाडि स्थापना भएको नेपालको ओस्कार कलेजले यस वर्ष २४ जना विद्यार्थीलाई छात्रवृत्तिमा पढाउने भएको छ । कोरोना भाइरसको महामारीका कारण फिल्म पढ्ने इच्छा भएका विद्यार्थीको सपना आर्थिक अभावका कारण नरोकियोस् भन्ने मनसायले २४ जना विद्यार्थीलाई छात्रवृत्ति दिन लागेको कलेजले जनाएको छ ।
दीपेन्द्र के. खनाललाई दर्शक रुवाउन लाइसेन्स प्राप्त निर्देशक भन्ने गरिएको छ । फिल्मको माध्यमबाट दर्शकलाई रुवाउन उनी सिपालु मानिन्छन् । ‘पशुपति प्रसाद र आमा’ मा उठाएको विषयवस्तु र प्रस्तुतीले उनलाई उच्च कोटीको निर्देशकको रुपमा उभ्याएको छ । यी दुई फिल्मका कारण उनीप्रति दर्शकको अपेक्षा पनि चुलिएको छ । यो उनका लागि चानचुने चुनौती होइन ।
अभिनेत्री करिश्मा मानन्धर लामो समयपछि फिल्म निर्माणमा फर्किने भएकी छन् । पछिल्लो पटक ‘फागु’ बनाएकी उनले छोरी कविता मानन्धरलाई लिएर फिल्म ‘बनवास’ निर्माण गर्ने भएकी छन् । आइतवार साँझ फेसबुकमा थिम पोस्टर सार्वजनिक गर्दै उनले फिल्मको निर्माण घोषणा गरेकी हुन् । फिल्मले परिवार र सम्बन्धको कथा वाचन गर्ने पनि उनले जानकारी दिएकी छन् ।
अभिनेता खगेन्द्र लामिछाने र सागर खरेलको समुहले सुरु गरेको ओटीटी प्लेटफर्म ‘सिनेमा घर गोल्ड’ एपले प्रचार-प्रसारलाई आक्रामक बनाइरहेको छ । एपको प्रचारमा खगेन्द्र आफैं खटिएका छन् । यो एपमा ५ सय तिरेर वर्षभरी फिल्म, वेव सिरिज, स्ट्यान्ड अप कमेडी, सर्ट मुभिज हेर्न पाइन्छ । अब इसेवाबाट भुक्तानी गर्दा १० प्रतिशत क्यासब्याक पनि पाइने भएको छ ।
स्वदेशी र विदेशी फिल्म छायांकनका लागि पहिलो रोजाई बन्दै गएको नेपालको मुस्ताङमा हलिउड फिल्म ‘ब्ल्याक नर्सिसस’ खिचिएको छ । बेलायतको एफ एक्स र बिबिसी वनले निर्माण गरेको फिल्ममा ‘गेम अफ थ्रोन्स’ अभिनेत्री डायना रिग, ‘क्वान्टम अफ सोलेस’ की अभिनेत्री जेमा आर्टेटोन, ‘गेम अफ थ्रोन्स’ अभिनेत्री एसलिङ फ्रान्सिकोइ लगायतले अभिनय गरेका छन् ।
