Nepal's No.1 Filmy Web Magazine
अभिनेता सौगात मल्ल र अभिनेत्री सृष्टि श्रेष्ठ प्रेम सम्बन्धमा रहेको कुरा कसलाई थाहा नहोला र ! तीन वर्षदेखि एकअर्काको प्रेममा रमाइरहेको यो जोडी पर्दामा समेत छुटिन सकेको छैन । फिल्म ‘मासु भात’ बाट सुरु भएको उनीहरुको सहकार्यले ‘पोइ पर्यो काले, माइकल अधिकारी, तीन जन्तु’ सम्म निरन्तरता पायो । यो निरन्तरता टुट्ने छाँट भने देखिएको छैन।
अभिनेत्री प्रियंका चोपडा अहिले आफ्नो संस्मरण ‘अनफिनिश्ड’ का कारण चर्चामा छिन् । यो किताबमा उनले आफ्नो पर्सनल र प्रोफेशनल लाइफसँग जोडिएका कयौं खुलासा गरेकी छन् । यसमध्ये एक किस्सा बलिउडका एक निर्माता तथा निर्देशकको छ, जोसँग उनी पहिलो पटक मिलेकी थिइन् । ती निर्देशकले उनलाई ब्रेस्टसहित तीन अंगको सर्जरी गराउन सल्लाह दिएका थिए ।
शंकर कार्कीले निर्देशन गर्न लागेको फिल्म ‘सत्यम्’ मा कलाकारको लाइनअप बलियो बन्दै गएको छ । फिल्ममा यसअघि नै अभिनेताद्वय राजेश हमाल र अनुप विक्रम शाही फाइनल भइसकेका छन् । अब अहिलेका हटकेक अभिनेता पल शाहको पनि प्रवेश भएको छ । कथावस्तु र आफ्नो भूमिका मन परेपछि उनले फिल्म साइन गरेको निर्माता रेशम सापकोटाले जानकारी दिए ।
अरुण खड्काको निर्माण र निर्देशन रहने फिल्म ‘फटाह फणिन्द्रे’ मा अभिनेता कर्माले मुख्य भूमिकामा काम गर्ने भएका छन् । मंगलबार आफ्नो जन्मदिनको अवसरमा निर्माता खड्काले फिल्ममा कर्मालाई अनुबन्ध गरेका हुन् । उनीसँगै अभिनेत्री छुल्ठिम गुरुङ र रोहित रुम्बाको पनि फिल्ममा प्रवेश भएको छ । अभिनेत्री सुष्मा कार्कीसँग भने यसअघि नै सम्झौता भएको थियो ।
साइन गरिसकेको फिल्म छाड्ने अभिनेत्रीको सूचीमा एलिजा गौतम पनि थपिएकी छन् । आफैंले निर्माण गरेको फिल्म ‘अनुराग’ बाट अभिनेत्रीको रुपमा डेब्यू गरेकी उनले गएको महिना निर्देशक दीपक श्रेष्ठको नयाँ फिल्म ‘घिन्ताङ’ साइन गरेकी थिइन् । फिल्ममा उनको अपोजिटमा गौरव पहारीलाई अनुबन्ध गरिएको थियो । तर, अब यो फिल्ममा एलिजाले काम नगर्ने भएकी छन् ।
