Nepal's No.1 Filmy Web Magazine

अभिनेत्री ऋचा शर्मा अभिनीत फिल्म ‘कौसीद’को रिलिज डेट घोषणा गरिएको छ । सोमवार निर्माण टिमले एक पोस्टर सार्वजनिक गर्दै आगामी जेठ २७ गतेलाई प्रदर्शन मिति घोषणा गरेको हो । पोस्टरमा भने ऋचा मात्र प्रस्तुत छिन् । हजार (पैसा) को केही थान बिटोलाई अंगालो हाल्दै अचम्मित मुद्रामा देखिएकी उनी फिल्ममा विवाहित महिलाको भूमिकामा रहेको पोस्टरबाट बुझ्न सकिन्छ ।

एउटा उखान छ, ‘कहिले काहिँ नपत्याउने खोलाले पनि बगाउँछु ।’ यो उखान भारतीय फिल्म ‘द कश्मीर फाइल्स’को हकमा लागू भएको छ । शुक्रवारबाट प्रदर्शनमा आएको यो फिल्मले लगानी उठाउन पनि नसक्ने विश्लेषण गरिएको थियो । किनकि, न फिल्मको प्रचार गतिलो थियो न ठूलो स्टारकास्ट नै । तर, बलियो वर्ड अफ माउथले फिल्मको व्यापार दिन प्रतिदिन बढेको छ । 

बहुमूल्य जडीबुटी यार्सागुम्बा टिप्ने मान्छेहरुको कथामा फिल्म ‘हाम्रो स्वर्ग’ निर्माण हुने भएको छ । चैत अन्तिम साताबाट छायांकन सुरु हुने फिल्मलाई शोभित बस्नेतले निर्देशन गर्नेछन् । शान्ता शर्माको लगानीमा निर्माण हुने फिल्मका लागि अहिले दुई अभिनेता र दुई अभिनेत्रीको खोजी भइरहेको छ । केही दिनमा कलाकारहरु छनोट गरेपछि वर्कसप सुरु गर्ने निर्माण टिमको तयारी छ ।

२०७७ सालको बैशाख १२ गतेलाई फिल्म ‘हिजो आजका कुरा’को प्रदर्शन मिति घोषणा गरिएको थियो । तर, कोरोनाका कारण सरकारले हलहरु बन्द गरेपछि फिल्मको रिलिज स्थगन भयो । तीन पटक हलहरु बन्द भएर खुलेपछि फिल्मको आउँदो असोज २८ गतेलाई नयाँ प्रदर्शन मिति घोषणा गरिएको छ । मोफसलमा एफडी र राजधानीमा बीके फिल्मस्ले फिल्मलाई वितरण गर्नेछ ।

सुरज पाण्डेको निर्देशनमा बन्न लागेको फिल्म ‘परस्त्री’को प्रदर्शन मिति घोषणा गरिएको छ । आइतवार ललितपुरको बंगलामुखी मन्दिरमा शुभमुहूर्त गर्दै आगामी तिहारलाई लक्षित गर्दै कात्तिक ६ गतेलाई फिल्मको प्रदर्शन मिति घोषणा गरिएको हो । मुहूर्तसँगै फिल्मको छायांकनका लागि निर्माण टिम मुस्ताङतर्फ हिँडेको छ । मुस्ताङमा गीत मात्र खिचिने निर्देशक पाण्डेले जानकारी दिए ।

आगामी हप्ता रिलीज हुने नेपाली फिल्म ‘चिसो एष्ट्रे’को अष्ट्रेलिया रिलीजको लागि करिब २७ लाख नेपाली रुपैयाँ (३० हजार अष्ट्रेलियन डलर)मा अधिकार बिक्रि भएको बताईएको छ । निर्माण कम्पनी कंगारु क्रिएसन र लोकल सिनेमाले अष्ट्रेलियाको कमेरो इभेन्ट्सलाई फिल्म रिलीज अधिकार दिएका हुन् ।