Nepal's No.1 Filmy Web Magazine
थिएटरको क्षेत्रमा स्थापित नाम हो, दिव्य देव । ‘ह्यामलेट’, ‘लुक ब्याक इन एंगर’, ‘सान्दाजुको महाभारत’, ‘सेम टाइम नेक्स्ट इयर’ जस्ता नाटकमा आफ्नो अभिनय कौशल देखाइसकेका उनले केही फिल्ममा काम पनि गरेका छन् । नाटकमा संघर्ष गरिरहँदा उनले फिल्म ‘चिसो एष्ट्रे’मा अभिनय गरेका थिए । निर्माणको करीब ७ वर्षपछि चैत ४ गतेबाट यो फिल्म प्रदर्शनामा आउँदैछ ।
अभिनेता प्रदीप खड्काको जन्मदिनको अवसर पारेर बिहीवार फिल्म ‘प्रकाश’को प्रदर्शन मिति घोषणा गरिएको छ । आउँदो भदौ १० गतेलाई प्रदर्शन मिति घोषणा गर्दै निर्माण टिमले फर्स्टलुक पोस्टर पनि सार्वजनिक गरेको छ । पोस्टरमा प्रदीप र अभिनेत्री दीया मास्के मात्र प्रस्तुत छन् । भिन्न लुक्समा देखिएका उनीहरु फिल्ममा आमा र छोराको भूमिकामा हुनसक्ने पोस्टरबाट बुझ्न सकिन्छ ।
एक समय नेपाली फिल्ममा एकलौटी हालिमुहाली गरेका सुपरस्टार राजेश हमाल विगत चार वर्षदेखि पर्दामा देखिएका छैनन् । तर, फिल्ममा काम नगरे पनि उनको व्यस्तता करिअरको उचाइँमा रहँदाको भन्दा कम छैन । वर्षभरी नै हमाल देश तथा विदेशमा हुने कार्यक्रम, विभिन्न कम्पनीको ब्रान्ड इन्डोर्समेन्ट, उद्घाटन, म्यूजिक भिडियो, टेलिभिजन शो लगायतमा व्यस्त हुने गरेका छन् ।
