Nepal's No.1 Filmy Web Magazine
एक नाबालिगलाई जबर्जस्ती करणी गरेको अभियोग लागेका अभिनेता पल शाहविरुद्ध जिल्ला अदालत नवलपरासी (बर्दघाट सुस्ता पूर्व) मा बलात्कार मुद्दा दर्ता भएको छ । नाबालिगले दिएको जाहेरीको आधारमा जिल्ला सरकारी वकिलको कार्यालयले बिहीवार शाहविरुद्ध मुद्धा दर्ता गरेको हो । फागुनमा तनहुँ र नवलपरासी प्रहरी कार्यालयमा नाबालिगले शाहविरुद्ध जाहेरी दिएकी थिइन् ।
आज रङहरुको पर्व होली । नेपाल, भारतसहित विभिन्न राष्ट्रमा रहेका हिन्दूहरुको एउटा महत्त्वपूर्ण पर्व मानिने होली प्रत्येक वर्ष फागुन शुक्ल पूर्णिमाको दिन मनाइने गरिन्छ । आज हिमाली एवं पहाडी जिल्लामा र भोली तराईमा होली मनाइँदैछ । माया, प्रेम र सद्भाव झल्काउने होली पर्व एकआपसमा रङ तथा अवीर दलेर, पानी छ्यापाछ्याप गरेर हर्षोल्लासका साथ मनाउने प्रचलन छ ।
नेपाल र अमेरिकामा छायांकन भएको फिल्म ‘लाइफ इन एलए’को रिलिज पोस्टपोन्ड भएको छ । बैशाख ९ गतेलाई प्रदर्शन मिति घोषणा गरिएको फिल्म एक महिना पछाडि सरेको हो । होलीको अवसर पारेर निर्माण टिमले एक पोस्टर सार्वजनिक गर्दै आगामी जेठ ६ गतेलाई फिल्मको नयाँ प्रदर्शन मिति तोकेको हो । फिल्मले अमेरिकामा बस्ने नेपालीको संघर्ष र सफलताको कथा भन्छ ।
फिल्म ‘प्रेमगीत ३’बाट नायकको रुपमा डेब्यू गरेका मनिष राउत डेब्यू फिल्म रिलिज नहुँदै नयाँ फिल्ममा अनुबन्ध भएका छन् । उनले फिल्म ‘शमशेर’मा अभिनय गर्न लागेका हुन् । बुधवार निर्माण टिमले फिल्मको निर्माण घोषणा गर्दै फर्स्टलुक पोस्टर पनि सार्वजनिक गरेको छ । पोस्टरमा मनिष हातमा खुकुरी बोकेर देखिएका छन् । उनको अनुहारमा रिस र विद्रोही भाव देखिन्छ ।
यही शुक्रवार (चैत ४) बाट प्रदर्शनमा आउने तयारीमा रहेको फिल्म ‘चिसो एष्ट्रे’ले प्रिमियरमा उत्कृष्ट प्रतिक्रिया बटुलेको छ । मंगलवार साँझ सुन्धाराको सिभिल मलमा आयोजना भएको प्रिमियरमा फिल्मकर्मीहरुले निर्देशकिय पाटो, कलाकारको अभिनय, छायांकन पक्ष, कथावस्तुको मुक्तकण्ठले प्रशंसा गरेका थिए । केही फिल्मकर्मीले हलिउड स्तरको फिल्म भन्दै प्रशंसा पनि गरे ।
साउथ फिल्मका सुपरस्टार अल्लू अर्जुन अभिनीत फिल्म ‘पुष्पा : द राइज’ले बक्सअफिसमा धमाका मच्चाएको थियो । हिन्दी भर्सनमा समेत सय करोडमाथिको व्यापार गरेको यो फिल्मपछि दर्शकहरुले अल्लू अर्जुनलाई बलिउड फिल्ममा पनि हेर्ने ठूलो इच्छा देखाएका छन् । यसैक्रममा, उनको बलिउडका नामी निर्देशक सञ्जय लीला भंसालीसँग मुम्बईमा भेटघाट भएको छ ।
