Nepal's No.1 Filmy Web Magazine
अभिनेता सौगात मल्लले अभिनय गरेका ‘लुट र कबड्डी’ बाहेक प्रायः फिल्म असफल छन् । तर, फिल्मको असफलताले उनको करिअरमा भने कुनै असर परेको छैन । यसैले पनि उनलाई ‘फ्लप फिल्मको हिट हिरो’ भन्ने गरिन्छ । जीवन्त अभिनय गर्न सक्ने खुबीकै कारण उनी हरेक मेकरको रोजाईमा पर्ने गरेका छन् । उनले वर्षमा ५/७ वटासम्म फिल्ममा अभिनय गर्दै आएका छन् ।
चैत ११ गतेबाट प्रदर्शनमा आउने तयारीमा रहेको फिल्म ‘हेल्लो जिन्दगी’मा समावेश ‘कता कता’ बोलको गीत सार्वजनिक भएको छ । रोमान्टिक गीतमा प्रताप दास र प्रबिशा अधिकारीको स्वर, एभरेष्ट सूर्य बोहराको शब्द र एलिस कार्कीको संगीत रहेको छ । गीतको भिडियोमा फिल्मका मुख्य अभिनेता विक्रम डि जोशी र अभिनेत्री दीपिका प्रसाईं रोमान्टिक अवतारमा देखिएका छन् ।
फिल्म ‘परदेशी २’ आउँदो दशैंमा प्रदर्शन हुने भएको छ । बुधवार निर्माण टिमले फर्स्टलुक पोस्टर सार्वजनिक गर्दै २०७९ सालको दशैंमा फिल्म प्रदर्शन गर्ने घोषणा गरेको हो । तर, फिल्मको प्रदर्शन मिति तोकिएको छैन । फर्स्टलुकमा भने प्रकाश सपूत, दीलिप रायमाझी, प्रशान्त तामाङ, केकी अधिकारी र वर्षा सिवाकोटी फिचर छन् । पोस्टरमा उनीहरुलाई गम्भीर मुद्रामा देख्न सकिन्छ ।
निर्देशक मिलन चाम्सको निर्देशनमा बन्न लागेको फिल्म ‘वर एण्ड वधु’मा मुख्य नायकको रुपमा विवेक कर्मचार्यको प्रवेश भएको छ । उनले यही फिल्मबाट नायकको रुपमा डेब्यू गर्न लागेका हुन् । फिल्ममा उनको जोडी अभिनेत्री आँचल शर्मासँग बाँधिनेछ । माला आर्टस एकेडेमीबाट अभिनयमा स्नातक गरेका विवेकले विगत केही समयदेखि फिल्मका लागि तयारी गरिरहेका थिए ।
फिल्म ‘वीर विक्रम’बाट नेपाली फिल्म क्षेत्रले पाएको एक कुशल अभिनेत्री हुन्, दीया पुन । पहिलो फिल्ममा नै आफ्नो अब्बल अभिनय क्षमता देखाएकी उनले त्यसयता ‘मिस्टर झोले’, ‘दयारानी’, ‘मन्त्र’ लगायतका केही सीमित फिल्ममा मात्र अभिनय गरिन् । गाउँले चरित्रमा फिट मानिने उनी नेपालभन्दा बढीजसो बेलायतमा बस्ने भएकाले पनि अभिनयमा खासै सक्रिय हुन सकेकी छैनन् ।
बुद्धि तामाङ्गले संघर्षको ठूलो चट्टान फुटाएर कलाकारितामा गर्विलो नाम बनाएका छन् । ‘हैट’ उपनामले बढी चिनिने उनी विरामी आमाको उपचार गर्नका लागि पैसा जुटाउन काभ्रेबाट २०५६ सालमा काठमाडौं छिरेका थिए । काठमाडौं आएपछि उनले लामो समय इट्टा भट्टामा काम गरे । यसपछि नांग्लोमा बदाम बचे । रेस्टुरेन्टमा भाँडा माझे । विजुलीको वाइरिङ्ग गर्ने काम पनि सिके ।
