म्यूजिक भिडियोमा मात्र धेरै देखिने गरेकी नायिका अनु शाह यतिबेला फिल्ममा पनि व्यस्त बन्दैछिन् । यो बर्षको सुरुवातदेखि नै उनको व्यस्तता फिल्ममा पनि बढेको देखिन्छ । ‘द यूगदेखि यूगसम्म’बाट नेपाली रजतपटमा भित्रिएकी अनुले सफल फिल्म भने दिन सकेकी छैनन् ।
अनुले लामो समयपछि नेपाली रजतपटमा फर्कन लागेका नायक निखिल उप्रेतीको जोडी भएर काम गर्न लागेकी छिन् । चाडै नै पत्रकार सम्मेलन मार्फत जानकारी दिने भनिएको पुरूषार्थ प्रहरीको कथामा बन्न लागेको फिल्ममा रेखा थापाले एक गीतमा मात्र नृत्य गर्नेछिन् । फिल्मलाई निखिल आँफैले निर्माण तथा निर्देशन गर्दैछन् ।
निखिलको नयाँ प्रोजेक्टमा काम गर्न पाउँदा खुशी लागेको अनुको भनाई छ । अनुको ‘एउटा साथी’, ‘जन्मभूमी’, ‘धौली’, ‘गोरे’ प्रदर्शनको लागि तयार छन् । नेपाली फिल्म नगरीमा सोझी नायिकको रुपमा परिचित अनुले फिल्म र म्यूजिक भिडियोको कामलाई मिलाएर अगाडि बढाउने बताइन् ।