भाद्र १३ गते रिलिज हुने भनिएको फिल्म 'नाइके' असोज ३ गतेका लागि गरेको छ । केहि प्राबिधिक कठिनाईले फिल्मको रिलिज पोस्टपोण्ड गरेको निर्माण युनिटले जनाएको छ ।
पोखरा सेरोफेरोका ग्याङस्टारको कथामा बनेको फिल्म 'नाइके' लाई नेत्र गुरुङले निर्देशन गरेका हुन् । यसअघि म्युजिक भिडियो निर्देशन गरेका गुरुङले फिल्म एक्सन र लभस्टोरीको मिश्रण रहेको बताएका छन् । पोखरामै सम्पूर्ण सुटिङ गरिएको फिल्ममा आर्यन सिग्देल, रेम बिक, सुर्बिना कार्की, बोधराज रेग्मी, सारिका केसीलगायतको अभिनय रहेको छ ।
ब्ल्याक स्याडो प्रोडक्सनको ब्यानरमा निर्मित फिल्मको कार्यकारी निर्माता विष्णु हमाल हुन् । यसैगरी फिल्मका निर्मातामा जगदिश खनाल, नारायण खनाल, संगीता पराजुली, आनन्द क्षत्री र रेशा गुरूङ रहेका छन् ।