अभिनेत्री अरुणिमा लम्साल साथीभाइ जमघट गरेर रमाईलो गर्न रूचाउँछिन् । आज भाद्र ४ गते भने उनले आफ्नो जन्मदिनमा कुनै जमघट नराखेको बताएकी छिन् । ३३ औं जन्मदिन मनाउने तयारी गरेकी अरुणिमाले पारिवारिक जमघटमा केक काटेर सेलिब्रेसन गर्ने बताईन् ।
गत बर्ष ठुलै जमघटका विच जन्मदिन मनाएकी अरुणिमा यो बर्ष घर नजिकैको गणेश मन्दिरमा पूजा गर्ने, छोरीलाई स्कुल पठाउने अनि घर परिवारसँग बसेर रमाइलो गर्ने योजनामा छिन् । तीन बर्ष पुग्न लागेकी छोरीकी आमा अरुणिमा पछिल्लो समय फिल्ममा त्यती सकृय छैनन् ।
कुनै बेला फिल्मा मार्फत निकै चर्चामा आउने गरेकी अरुणिमा अब नयाँँ सोचका साथ फिल्ममा लाग्ने बताउँछिन् । उनको सोच कस्तो हो त ? केही समयपछि थाहा हुने उनको भनाइ छ ।
