फिल्म 'सेफ ल्याण्डिङ'का सह-निर्माता राहुल अग्रवाल र सोही फिल्मकी अभिनेत्री झरना बज्राचार्यबिच प्रेम मौलाईरहेको छ । सुटिङका बेला नजिकिएका यि दुईको प्रेम अष्ट्रेलियामा भएको फिल्मको प्रिमियरमा भने छरप्रस्ट भयो ।
पुर्ख्यौली थलो भारत भएपनि मलेसियामा जन्मेर हुर्केका मलेसियन नागरिक राहुलसँगको प्रेममा झरनाले डुबुल्की मारिरहेकी छिन् । गत अगस्ट ९ तारिखका दिन अष्ट्रेलियाको सिड्नीमा सम्पन्न 'सेफ ल्याण्डिङ'को प्रिमियरमा सहभागी हुन उक्त फिल्मका ५० प्रतिशत शेयर होल्डर राहुलको साथमा झरना अष्ट्रेलिया पुगेकी थिईन् । झरना प्रिमियरका लागि नेपालबाट मलेसिया गएर अरबपति व्यापारी राहुलको साथमा अष्ट्रेलिया गएकी हुन् ।
अष्ट्रेलियामा झरना र राहुल सँगै बसेको बुझिएको छ । केही दिन अष्ट्रेलिया घुमेर झरना र राहुल मलेसिया फर्केको खबर प्राप्त भएको छ । अष्ट्रेलियामा फिल्मीखबर प्रतिनिधीसँग कुरा गर्ने क्रममा झरनाले आफू राहुलसँगको प्रेममा रहेको रहस्यलाई घुमाउरो पारामा खोलेकी थिईन् ।
(1).jpg)
निर्माता राहुल अग्रवाल (बाँया) र निर्देशक सन्दीप जोसेफको साथमा अभिनेत्री झरना बज्राचार्य
एक बिदेशी नागरिकसँग इङ्गेजमेन्ट गरेर ब्रेकअप समेत गरेकी झरना राहुलसँग नै विवाह गर्ने मनस्थितीमा पुगेको बुझिएको छ । राहुल र झरनाको प्रेमको सेफ ल्याण्ड होस्, शुभकामना !
