यस वर्षको गाईजात्रामा हिरो र हिरोइनलाई झटारो कम हुने भएको छ । गाईजात्रे झटारोले सम्बन्ध बिग्रिएको भन्दै हास्य व्यंग्य कलाकारले हिरो हिरोइनलाई कम झटारो हान्ने भएका हुन् ।
‘गाईजात्रामा केही हिरो हिरोइनलाई झटारो हान्दा ६ महिनासम्म बोलचाल बन्द भयो । त्यसैले यो वर्षको गाईजात्रामा फिल्मकर्मीलाई छुदैनौैं,’ गाईजात्राको तयारी गरिरहेका दीपकराज गिरीले भने । दिपकले यो पटकको गाईजात्रामा राजीनितक दलका नेता तथा कार्यकर्तालाई मात्र व्यंग्य ठोक्ने बताएका छन् ।
यही साउन २४ गते देखि भदौ १९ गतेसम्म भृकुटीमण्डपमा ‘तीते जिरे मेरी बास्सै हाँस्य व्यंग्य गाईजात्रा’ कार्यक्रमको आयोजना हुँदैछ । गाईजात्रा कार्यक्रमले गर्दा दीपक, दीपा र निर्मल शर्मा ‘गैंडा’ ले निर्माण गर्ने फिल्म ‘वडा नं ६’ को छायाँकन मिति पनि धकेलिएको छ ।
