विकास आचार्य कृत ‘नाइँ नभन्नू ल २’ मा सह नायिकाको भूमिका निभाएकी वर्षा सिवाकोटी फिल्म ‘रामलीला’मा शीर्ष भूमिकामा देखिने भएकी छिन् । उनले फिल्ममा लिलाको भूमिकामा अभिनय गर्नेछिन् । आरविके शरदले निर्देशन गर्ने फिल्म ‘रामलीला’ मा रामको भूमिका भने जिवन लुइँटेलले गर्नेछन् ।
फिल्म ‘शीशा’को प्रेसमिटमा ‘रामलीला’ निर्माणको औपचारिक घोषणा समेत गरियो । ‘रामलीला’ लाई ‘शीशा’का निर्माता तथा नयाँ निर्माताले मिलेर लगानी गर्नेछन् । ‘रामलीला’मा आवद्ध हुने अन्य कलाकार तथा प्राविधिकको भने टुंगो लाग्न बाँकी रहेको कार्यक्रममा जानकारी गराईयो । निर्देशक शरदले भने, ‘जिवन र वर्षा फाइनल हुन् अरु कलाकार तथा प्राविधिक चाँडै फाइनल गर्नेछौं ।’
वर्षाले ‘रामलीला’मा अभिनय गर्ने अवसर पाएकोमा खुसी व्यक्त गरिन् । उनले भनिन्, ‘नाईं नभन्नू २ मा छोटो भूमिका गरेकी थिएँ, रामलीलामा शीर्ष भूमिका निभाउन पाएकी छु । मलाई खुसी लागेको छ ।’ अभिनेता जिवन लुँइटेलले ‘रामलीला’मा हुने रासलीलाको पर्खाइमा रहेको बताए । फिल्मको छायाँकन समय अनुकुल पारेर गरिनेछ ।