भाद्र २० गते रिलिज हुन लागेको फिल्म 'स्टुपिड मन'को यतिबेला निकै चर्चा छ । संगीतका कारणले पनि यो फिल्मले मिडियामा आफ्नो हक जमाएको छ । सार्वजनिक भएका दुई गीत रूचाईएपछी फिल्म निर्माण टिमले अर्को गीत रिलिज गरेको छ ।
फिल्मका निर्माता समेत रहेका अभिनेता निरज बरालले समुन्द्री छालमा विकनीमा प्रस्तुत भएकी नव अभिनेत्री रिजु श्रेष्ठसँग रोमान्स गरेका छन् । करणराज कार्की को शब्द संगीत र स्वर रहेको प्रस्तुत गीत थाईल्याण्डमा सुटिङ गरिएको हो । दिवाकर भट्टराई निर्देशित यो फिल्ममा जीवन लुईटेल र चाँदनी शर्माको पनि अभिनय छ । फिल्मको पटकथा तथा संवाद सामीप्य तिमल्सेनाले लेखेका हुन् ।