साउनको सोमबारे ब्रत अनि हिन्दु नारी परिपूर जस्तै मानिन्छन् । धर्म कर्ममा त्यति विश्वास नगर्नेले पनि शहरमा चलेको हरियो चुरा अनि मेहन्दीलाई फेशनकै रुपमा पछ्याको पाइन्छ । धेरै जसो हाम्रा हिन्दु महिला सेलिव्रेटीले पनि साउनको सोमबारे ब्रत, हरियो चुरा अनि मेहन्दीलाई प्रयोग गरेको पाइन्छ ।
अभिनेत्री करिश्मा मानन्धर भने साउनको सोमबारे ब्रत विपरित रहिछन् । साउनको सोमबार ब्रत लिएको करिश्मालाई अहिलेसम्म अनुभव छैन । साउनको मात्रै होइन अन्य अवसरको ब्रत पनि करिश्मा बस्दिनन् रे ! धार्मिकसँगै शारीरिक फाइदाको लागि पनि ब्रत बस्नु फाइदाजनक हुने बताइन्छ । किन बस्दिनन् त करिश्मा ब्रत ? फिल्मीखबरसँग करिश्माले भनिन्, ‘ब्रत बस्ने बानी नै छैन । शरीरिक व्यायाममा समय दिन्छु ।’
ब्रत नबस्ने करिश्माको हरिया चुरा अनि मेहन्दीमा भने मन जान्छ । तर यसपाली उनले लगाउन पाएकी छैनन् । कारणबारे करिश्मा भन्छिन्, ‘आमा बिरामी भएर हरियो चुरा र मेहन्दीमा ध्यानै गएको छैन ।’ सुगर र प्रेसरको बिरामी करिश्माकी आमालाई केही दिनदेखि अस्पताल भर्ना गरिएको छ ।
