गत बर्ष तीजको दिनमा नै इण्डक्ल्याप गरिएको फिल्म 'यो कथा हो तिम्रो मेरो'को प्रदर्शन पनि तीजकै बेला हुँदैछ । तीजसँग फिल्मको सम्बन्ध के छ त ? यसको रहस्य निर्देशक तथा लेखक ओम प्रतिकले खोलेका छन् ।
'फिल्म 'यो कथा हो तिम्रो मेरो'मा तीजको कथालाई उठान गरिएको छ', निर्देशक प्रतिकले भने, 'त्यसैले हामीले रिलिजको लागि पनि तीज नै पर्खेका हौं ।' तीजको कस्तो बिषय उठान गरिएको छ त ? निर्देशक प्रतिकले यो कुरालाई सस्पेन्स राख्ने भने । उनले दर्शकले नसोचेको खुराक फिल्ममा पस्केको बताए ।
भाद्र १३ गते रिलिज हुन लागेको यो फिल्ममा सुमन सिंह, रिश्ता बस्नेत, रुपा राना, गणेश उप्रेती, रवि कार्कीको मुख्य भूमिका रहेको छ । रमेश प्रजापति, अनिल हेक्का र राम बुढाथोकीको लगानी रहेको यो फिल्ममा विकास चौधरीको संगीत, सुरेश बज्रचार्यको छायाँकन, रोशन श्रेष्ठको द्धन्द्ध तथा बनिश शाहको सम्पादन रहेको छ ।
फिल्मको नयाँ सार्वजनिक प्रोमो हेर्नुस्
