गएको शनिबार पोखराको फेवातालमा आएको छालबाट फिल्म ‘धौली’ टिमका सदस्य मुस्किलले बाँचेका छन् । ‘धौली’ का अभिनेता गजित विष्टले फेवातालमा आएको छालले आफुलाई मृत्युको मुखमा पुगेर फर्किएको अनुभव भएको बताए ।
फिल्म ‘धौली’को छायाँकन फेवाताल किनारामा चल्दै गर्दा एक्कासी छाल आएको थियो । सुटिङ युनिट सहित त्यहाँ रहेका अन्य मानिसहरुलाई ज्यान जोगाउन मुस्किल भयो । गजितसँगै फिल्मको दृश्य दिइरहेकी अभिनेत्री अनु शाह छाल आउँदा निकै आत्तिएकी थिइन् । उनीहरु ढुङ्गामा सवारी थिए ।
छाल आएपछि फिल्म ‘धौली’ युनिट सहित अन्य प्रभावित व्यक्तिलाई उद्धार गरेर सुरक्षित स्थल तर्फ लगिएको थियो । छालमा पर्दा अभिनेत्री अनु शाह चिच्याएरै रोएकी थिइन् ।
