पहिलो सार्वजनिक गीतबाटै दर्शकमाझ राम्रो छाप छोड्न सफल फिल्म 'स्टुपिड मन'को दोस्रो गीत सार्वजनिक गरिएको छ । थाईल्याण्डको फुकेटका सुन्दर लोकेशनमा खिचिएको प्रस्तुत फिल्मको शिर्ष गीतमा अभिनेता जीवन लुईटेल र अनव अभिनेत्री चाँदनी शर्माले आफ्नो प्रेम भाव दर्शाएका छन् ।
फिल्मका निर्देशक दिवाकर भट्टराईको शब्दमा अर्जुन पोखरेलले संगीत दिएको प्रस्तुत सुमधुर गीतमा अञ्जु पन्त र सनुप पौडेलले स्वर दिएका छन् । गीतको करियोग्राफी कविराज गहतराजले गरेका हुन् । संजय लामाको छायाँकन रहेको फिल्मलाई निरज बराल र विवेक शाहीले निर्माण गरेका हुन् । निर्देशक भट्टराईको कथा रहेको 'स्टुपिड मन'को पटकथा र संवाद सामीप्य तिमल्सेनाको रहेको छ ।
