असहाय बृद्धा र अनाथ बालबालिकाहरूलाई आश्रय दिंदै आएको 'आमाघर'लाई शुक्रबारबाट प्रदर्शनमा आएको फिल्म 'नागबेली'ले आर्थिक सहयोग गरेको छ । आमाघरकी सञ्चालक दिलशोभा श्रेष्ठलाई फिल्म निर्माण युनिटले आर्थिक सहयोग स्वरूप रू ३७ हजार हस्तान्तरण गर्यो ।
निर्माता रोमियन लिम्बुले असहाय बृद्धा र अनाथ बालबालिकाहरूलाई आफ्नो तर्फबाट सानो सहयोग भएपनि गर्न पाएकोमा खुसी व्यक्त गरिन् । यता आमाघरकी दिलशोभाले फिल्मको सफलताको कामन गर्दै यो सहयोगले आमाघरलाई ठूलो राहत मिलेको बताईन् ।
गोविन्द राईको पहिलो निर्देशकिय फिल्म 'नागबेली'मानीर शाह, दयाहाङ राई, हर्षिका श्रेष्ठ, यशराज गरच, विक्की मल्ल, सुरवी जैन, सम्भव श्रेठ, अशोक फुयाँल, रुपा राना, लुनिभा तुलाधर लगायतको अभिनय छ । 'नागबेली' असार २७ गतेबाट अल नेपाल प्रदर्शनमा आएको छ । फिल्मलाई समिक्षक दीपेन्द्र लामाले लेखेका हुन् ।
