अभिनेता सविन श्रेष्ठले फिल्म निर्माण गर्ने भएका छन् । वर्ष ०७२ सालमा प्रदर्शन गर्ने गरी सविनले फिल्म निर्माणको पूर्व तयारी थालेका हुन् । केही सातामै फिल्मको शिर्षक र निर्देशकको नाम सार्वजनिक गर्ने सविनले बताए ।
शिवम अधिकारीले कठा तयार गरिरहेको सविनको फिल्म एक्सन शैलीको हुनेछ । जहाँ सविन स्वयम् मुख्य पात्रको रुपमा देखा पर्नेछन् । हिरोइनतर्फ भने नयाँ प्रतिभालाई अवसर दिने सोचमा सबिन छन् । संगीत टंक बुढाथोकीको रहनेछ ।
फिल्म निर्माण बारे सविन भने, ‘गाउँदेखि शहर र देशदेखि विदेशसम्मका दर्शकलाई मन पर्ने फिल्म निर्माण गर्छु । सबैको सहयोगको अपेक्षा छ ।’ फिल्मको छायाँकन तिहार पछि प्रारम्भ हुनेछ । फिल्म ‘अन्दाज’ बाट ठूलो पर्दाको अभिनय यात्रा प्रारम्भ गरेका सविनको आधा दर्जन फिल्म प्रदर्शनमा आइसकेका छन् । सविन हाल छविराज प्रोडक्सनको ‘हवल्दार सुन्तली’ को छायाँकनमा व्यस्त छन् ।
