फिल्म प्रदर्शन हुन दुई साता बाँकी हुँदा अभिनेता दयाहाङ राई हङकङतर्फ लागेका छन् । असार २७ गते अल नेपाल प्रदर्शन हुने फिल्म ‘नागबेली’ का मुख्य कलाकार दयाहाङ गत साता नाटक मञ्चन गर्न हङकङ उडेका हुन् ।
दयाहाङ ‘नागबेली’ रिलिज हुने केही दिन अगाडी मात्रै नेपाल फर्कनेछन् । फिल्ममा उनको वैदेशिक रोजगारमा जाने युवकको भूमिका छ । दया हङकङ उडेपछि नेपाल रहेका कलाकारलाई प्रसार प्रसारमा दौडाउने निर्देशक गोविन्द राईको योजना छ ।
आफ्नो पहिलो निर्देशकिय फिल्मलाई सफल गराउन एक सय बढी फिल्मका नृत्य निर्देशक गोविन्द राई दौडधुपमा छन् । निर्मात्री रोमियन चेम्जोङ लिम्बु पनि फिल्म प्रचार प्रसारको लागि गत साता युकेबाट काठमाण्डौ आइपुगेकी छिन् ।
वैदेशिक रोजगारमा जान बाध्य नेपाली युवाको बाध्यतालाई सञ्चारकर्मी दिपेन्द्र लामाले स्क्रिप्टमा उतारेका छन् । फिल्ममा दयाहाङ सहित हर्षिका श्रेष्ठ, सम्भव श्रेष्ठ, यशराज, विक्की मल्ल, सुरभी जैन लगायतको अभिनय छ ।
