मुटुमा समस्या देखिएपछि वरिष्ठ फिल्मकर्मी निर शाहलाई आपकालिन अस्पताल भर्ना गरिएको छ । शनिबार एक्कासी मुटु दुख्न थालेपछि बुढानिलकण्ठ निवासबाट शाहलाई परिवारका सदस्यले बाँसबारीस्थित गंगालाल अस्पतालसम्म पुर्याएका थिए ।
शाहको हाल गंगालाल अस्पतालको सिसियु कक्षमा उपचार भैरहेको छ । प्राप्त जानकारी अनुसार अस्पतालले उपचाररत शाहलाई कसैलाई पनि भेट्न दिएको छैन । आईतबार १ बजे सबै फिल्मकर्मी शाहलाई गंगालाल अस्पतालमा भेट्न जाने तयारी भैरहेको निर्देशक समाजको कोषाध्यक्ष सुमन दाहालले जानकारी दिए ।
डायमण्ड शम्शेरको ‘सेतो बाघ’ कृतिको सोही शिर्षकमा फिल्म निर्माण गरिरहेका निर्देशक शाहलाई शिर्घ स्वास्थ्य लाभको कामना ।
