बाल विवाह र दाइजो प्रथा विरुद्ध अभिनेत्री गरिमा पन्तले अभियान चलाउने भएकी छिन् । एक सामाजिक संस्थाले ‘झोला’ अभिनेत्रीलाई सामाजिक कु:प्रथा विरुद्धको अभियानमा सद्भावना दुतको रुपमा उभ्याएको छ ।
आठ वर्ष अघिदेखि जनकपुर क्षेत्रबाट बाल विवाह र दाइजो प्रथा विरुद्ध देशै भरी अभियान चलाईरहेको ‘भोर’ नामक सामाजिक संस्थाले गरिमालाई यस अभिनयानमा सामेल गराएको हो । यो अभियानमा आफ्नो संलग्नतालई अभिनेत्री पन्तले ‘निःस्वार्थ समाज सेवा’ भनेकी छिन् ।
गरिमाले भनिन्, ‘समाजमा सकारात्मक सन्देश जाने अभियानमा सहभागी हुन पाउँदा खुसी छु । कालान्तरसम्म यो अभियानमा जुट्छु ।’ विशेषतः वाल विवाह र दाइजो प्रथाको प्रचलन भएका जिल्लामा यो अभियान चलाइनेछ । संस्थाले कार्यक्रमको खाका बनाउँदै गरेको गरिमाले बताइन् ।
