‘छ एकान छ’ टिमले निर्माण गर्ने ‘वडा नं ६’ को छायाँकन धकेलिने भएको छ । ‘वडा नं ६’ तत्काललाई थाती राख्दै दिपकराज गिरी, दिपाश्री निर्रौला र निर्मल शर्माको टिम अर्को फिल्म निर्माणमा जुटेको छ ।
‘तीतो सत्य’ टिमले अब बाउ छोराको कथामा पारिवारिक फिल्म निर्माण गर्ने भएको छ । बाउको भूमिकामा दिपक र छोराको भूमिकामा ‘नाईं नभन्नू ल २’ का अनुभव रेग्मी फाइनल भएका छन् । फिल्मको शिर्षक फाइनल भएको छैन । यो फिल्मको कथा दिपक स्वयम्ले लेखिरहेका छन् ।
निर्देशकको बारेमा भने ‘सरप्राइज’ दिने भन्दै दिपकले अहिले नाम खुलाउन चाहेनन् । फिल्मको छायाँकन भदौको पहिलो सातासम्म सुरु गरिसक्ने योजना छ । अभिमन्यू निरवीले स्क्रिप्ट लेखिरहेको ‘वडा नं ६’ को ६ महिनाभित्र छायाँकन सुरु गर्ने योजना रहेको दिपकले बताए ।
