एक वर्ष अघि भारतको केदारनाथ मन्दिरमा दर्शन गर्न जाँदा बाढीमा परी बेपत्ता भएकी आमाको निर्माता सुनिल कुमार थापाले दाहसंस्कार गरेका छन् । पशुपती आर्यघाटमा कुशको शव बनाई उनले आमाको अन्तिम दाहसंस्कार गरेका हुन् ।
.jpg)
सुनिलले १३ दिन नै आमाको जुठो बार्ने बताए । उनले भने, ‘एक वर्षसम्म आमा फर्कने आश थियो । खोजी गर्दा र चारैतिर खबर छोड्दा पनि सम्पर्कमा नआएपछि आमाको अन्तिम दाहसंस्कार गरेका हौं ।’ गत वर्षको असार ३ गते निर्माता थापाकी ८४ वर्षिया आमा सहित अन्य नेपपाली केदारनाथको बाढीमा परी बेपत्ता भएका थिए ।
आमाको १३ दिने काजकिरिया पछि होम प्रोडक्सनको फिल्म ‘ए मेरो हजुर २’ को पूर्व तयारीमा जुट्ने निर्माता थापाले बताए । भदौमा छायाँकन थालिने यो फिल्मलाई सुनिल पत्नी अभिनेत्री झरना थापाले निर्देशन गर्दैछिन् ।
