पहिलो फिल्म 'कहाँ भेटिएला'बाट नै सफलता चुमेकी अभिनेत्री स्वेता खड्का अभिनित फिल्मको संख्या धेरै छैनन् । यद्दपी उनको खोजी भने भई नै रहन्छ । कारण उनीसँग अभिनेता श्रीकृष्ण श्रेष्ठ पनि जोडिएका छन् जो फिल्म क्षेत्रका चर्चित अभिनेतामा पर्छन् ।
केहि महिनामा बैबाहिक बन्धनमा बाँधिन लागेको श्री र स्वेता अभिनित पछिल्लो फिल्म 'कोहिनूर' प्रदर्शनको क्रममा छ । आकाश अधिकारीले निर्देशन गरेको यो फिल्म श्रावण २३ गते रिलिज हुँदैछ । यहि प्रतिक्षित फिल्मको प्रोमो रिलिज गरिएको छ जहाँ अभिनेत्री खड्काले आकर्षक द्धन्दका दृश्य दिएको देखिन्छ ।
आकाश अधिकारीकै कथा रहेको यो फिल्मले मुम्बईमा बेचिएकी नेपाली चेलीको कथा भन्छ । भारत र नेपालमा सुटिङ गरिएको यो फिल्मलाई राजुबिक्रम थापाले खिचेका हुन् ।
