दशैंको अवसर पारेर रिलिज गर्न लागिएको फिल्म 'हिम्मतवाली'को गीत रिलिज गरिएको छ । अभिनेत्री रेखा थापाले निर्माण तथा अभिनय गरेको यो फिल्मलाई रेखाले नै निर्देशन गरेकी हुन् ।
दयाराम पाण्डेको शब्द तथा टंक बुढाथोकीको संगीतमा मनिषा पोखरेल र संगीतकार स्वयंकै स्वर रहेको यो गीतमा रेखासँगै रबिन होडाले डान्स गरेका छन् । प्रस्तुत गीतलाई बसन्त श्रेष्ठले करियोग्राफी गरेका हुन् भने छायाँकन रामशरण उप्रेतीको रहेको छ । फिल्ममा रेखाका अहिलेका प्रेमी सुदर्शन गौतमको पनि मुख्य भूमिका छ ।
