बिहीबार पोखरामा नेपाली फिल्म ‘धुन’को शुभमुर्हत भएको छ । बाराही मन्दिरमा मुर्हत गर्दै बिहीबारबाटै फिल्मको सुटिङ शुरू गरिएको छ । साँगीतिक फिल्म ‘धुन’को शुभमुर्हतमा निता ढुंगाना र मुकेश ढकालले सट दिएका थिए ।
मुर्हतको क्रममा पत्रकार शिव शर्माले नरिवल फोडे भने वितरक केदार पराजुलीले क्ल्याप ठोके । फिल्मलाई कृष्ण पौडेलले निर्देशन गर्दैछन् । पोखराको लागि २० दिनको सुटिङ तालिका छुट्टाईएको छ जहाँ फिल्मको ८० प्रतिशत सुटिङ हुनेछ । फिल्ममा निता र मुकेश सहित फिल्ममा जीवन लुईटेल र श्रेया दुलालको मुख्य भूमिका रहने छ । मुर्हतमा जीवन भने देखिएनन् ।
मालती शाह, सुशिल शाह, मधुसुदन ढकालले लगानी गर्ने फिल्मको निर्माण लागत ५० लाख रहने मुर्हतमा जानकारी दिईयो । कृष्ण आचार्यको कथामा बन्ने फिल्ममा लक्की सिटौलाले संगीत दिएका छन् ।
