प्रदर्शनको तयारीमा रहेको फिल्म 'सरी ल'को शिर्ष गीत रिलिज गरिएको छ । शिबम अधिकारीको शब्द तथा बसन्त सापकोटाको संगीतमा शिव परियारले गाएको प्रस्तुत सार्वजनिक गीतमा फिल्मका मुख्य तीन पात्र सुवास थापा, अनिता आचार्य र राजन खतिवडालाई फिचर गरिएको छ ।
अञ्जु केसीको प्रस्तुतीमा कृष्ण बहादुर महर्जनले निर्माण गरेको यो फिल्मलाई ऋषि लामिछानेले निर्देशन गरेका हुन् । त्रिकोणात्मक प्रेमकथामा बनेको 'सरी ल'मा अन्जु केसीको कथा, शिवम् अधिकारीको पटकथा तथा संवाद, रामशरण उप्रेतीको छायाँकन, बसन्त सापकोटा र शैलेस श्रेष्ठको संगीत, रोशन श्रेष्ठको द्धन्द निर्देशन, रबिन्द्र खड्काको सम्पादन र बब्बु थापाको कोरियोग्राफी रहेको छ ।
