वैशाखमा १२ मा प्रदर्शन हुने दुई फिल्म ‘नोभेम्वर रेन’ र ‘कवड्डी’ लाई हलको समस्या पर्ने भएको छ । दुई साता अघिबाट प्रदर्शनमा आएको ‘नाईं नभन्नू ल २’ ले हल ओगट्दा यी दुई फिल्म मारमा पर्ने भएका हुन् ।
दोस्रो सातामा समेत हलमा हाउसफुल दर्शक भएपछि ‘नोभेम्वर रेन’ र ‘कवड्डी’ सिमित हलमा खुम्चिनु परेको हो । ‘नोभेम्वर रेन’ को तुलनामा ‘कवड्डी’को हल संख्या न्यून छ । मोफसलमा ‘नोभेम्वर रेन’ले तीस बढी हल पाउँदा ‘कवड्डी’ ले एक दर्जन मात्रै हल पाएको जानकारी छ । काठमाडौं भने दुवै फिल्मले उति नै हल पाउने बताइएको छ । करिब एक दर्जन हलमा यी दुई फिल्म प्रदर्शन हुनेछन् ।
काठमाण्डौका एक दर्जन बढी र मोफसलका दुई दर्जन हलमा ‘नाईं नभन्नू ल २’ तेश्रो सातामा प्रदर्शन हुने निश्चित भएको निर्देशक विकास आचार्यले जानकारी दिए । बालप्रेम र प्रेम परियारद्धारा स्वरवद्ध मार्मिक गीतले सबै उमेर समुहका दर्शक ‘नाईं नभन्नू ल २’ हेर्न हलसम्म पुगेका हुन् । फिल्मले दुई सातामा तीन करोड भन्दा माथिको ग्रस कलेक्सन गरिसकेको छ ।
