नेपाली भाषी अभिनेत्री गीताञ्जली थापालाई भारतको प्रतिष्ठित ‘नेश्नल अवार्ड’ प्राप्त भएको छ । भारतको नयाँ दिल्लीस्थित बुधबार सम्पन्न नेश्नल फिल्म अवार्डको ६१ औं संस्करणमा गीताञ्जलीले उत्कृष्ट अभिनेत्रीको अवार्ड प्राप्त गरेकी हुन् ।
गीतु मोहन दास निर्देशित फिल्म ‘लायर्स डायर्स’ मा निभाएको उत्कृष्ट अभिनयले अभिनेत्री थापालाई उक्त उत्कृष्ट अवार्ड दिलायो । मोडलिङ हुँदै भारतको रंगीन दुनियाँमा प्रवेश गरेकी गीताञ्जलीको पहिलो फिल्म प्रशान्त रसाइली निर्देशित ‘मिथ’ हो । सिक्किममा पढ्दाताका उनी फिल्म क्षेत्रतिर मोडिएकी थिइन् ।
गीताञ्जली सन् २००७ मा सम्पन्न ‘मिस नर्थ इस्ट’ की टाइटल विजेता समेत हुन् । गीताञ्जली हाल इमरान हासमी आपोजिट रहेको फिल्म ‘ह्वाइट लाइज’ को सुटिङमा व्यस्त छिन् । फिल्मलाई ओस्कार विजेता निर्देशक डानिस तानोभिचले गरिरहेका छन् । गीताञ्जलीलाई बधाई !
