फिल्मको स्क्रिप्ट राईटर हुँदै आज निर्देशकको रूपमा क्रियाशिल रहिरहँदाको यो लामो अन्तरालमा अवार्डसँग जोडिएका थुप्रै अनुभवहरू छन् । पाउँदा खुसी लाग्नु र नपाउँदा केहि हदसम्म दु:खी हुनु मानविय स्वाभाव नै हो । तरपनि आफ्नो कामको मूल्याङ्कन अरूले गर्नु भन्दा अगाडी आफैले गर्न सक्नुपर्छ । अवार्ड पाउनु भन्दा पनि थुप्रै प्रतिश्पर्धी साथीहरूको माझ नोमोनेशनमा पर्नु नै जीत हो जस्तो लाग्छ । सबैले उत्तिकै मेहनत गरेर काम गरेका हुन्छन् । मेहनतको फल मिठो हुँदा स्वाभाविक रूपमा खुसी लाग्छ नै । पछिल्लो समय मैले बाटो मुनिको फूल, सायद जस्ता फिल्मबाट देशबिदेशमा थुप्रै अवार्डहरू पाएँ । यसले मलाई अझै सिर्जनशिल हुन प्रेरणा दिएको छ ।

 

 

 

 

 

 

 

सबिर श्रेष्ठ

 

मेरो पहिलो फिल्म कस्ले चोर्‍यो मेरो मन नोमिनेशनमा पर्दा राम्रै काम गरेकाले केहि आशा त थियो तर अवार्ड पाउँछु नै भन्ने विश्वास अलि कम थियो । स्टेजमा पुगेर उत्कृष्ट निर्देशकको अवार्ड थाप्दा काम गर्दाको दु:खहरू सम्झिएँ, संघर्ष सफल भए झैं लाग्यो । अवार्डले कुनै पनि कलाकार, प्राबिधिकलाई अझ हौसला प्रदान गर्ने मैले अनुभव गरेको छु । अवार्ड आफैमा एउटा उर्जा हो जसले सिर्जनालाई निखार्न अझ मद्दत पुर्‍याउँछ ।