रिलिजको तयारीमा रहेको रेखा थापा स्टारर फिल्म 'लंका' को फस्ट लुक रिलिज गरिएको छ । एक्सन श्रेणीको सो फिल्मको फस्ट लुकलाई अफिसियल्ली फिल्मीखबरबाट रिलिज गरिएको हो ।

साजन फिल्म्ससँग मिलेर चण्डिका फिल्म्सले निर्माण गरेको सो फिल्ममा रेखा थापा प्रहरी इन्स्पेक्टरको भुमिकामा प्रस्तुत भएकी छिन् । श्याम भट्टराईको निर्देशनमा बनेको सो फिल्ममा रेखाले अपराधको लंका जलाउने काम गर्छिन् । रेखालाई निर्देशनक श्यामले फिल्मको हिरो नै भएका छन् । निर्देशक भट्टराई, महिमा शाह र ॐ प्रकाश अग्रवाल निर्माता रहेको सो फिल्ममा किशोर खतिवडा, नन्दु श्रीवास्तव, नागेन्द्र रिजाल, ध्रुव कोईरालाको मुख्य भुमिका रहेको छ ।

राजनितीको खोल ओढेर लंक बनाउन खोज्ने रावण चरित्र भएकालाई देशको रक्षकले गर्ने सफाईमा नै फिल्म केन्द्रित रहेको निर्देशक भट्टराई बताउँछन् । सर्लाहीमा छायाँकन गरिएको सो फिल्ममा मदन कास्यप घिमिरेको छायाँकन, राजेन्द्र खड्गीको द्धन्द तथा शंकर बिसीको करियोग्राफी रहेको छ । यसै फिल्मबाट पार्श्व संगीतकारको रूपमा सन्तोष रजौरेले डेब्यू गरेका छन् । फिल्मको कथा बरिष्ठ निर्माता छबिराज ओझाको रहेको छ । उनी फिल्मका सल्लाहकार समेत हुन् ।