जव जव काजोल फिल्मसको ब्यानरबाट भुवन केसीको चलचित्र रिलिज हुन्छ तव–तव उनको फिल्मी झट्काहरूले सिनेमा उद्योग तताउन धेरै समय लगाउदैन ।
उत्कृष्ट फिल्म मेकरको पक्तिमा गनिएका भुवनको डेढ बर्षे पालो पर्खाईबाट सिनेमा रिलिज हुदैछ । मेघा प्रोजेक्ट भनेर विभिन्न एंगलबाट चर्चा चलेको भुवनको सिनेमा 'साथी म तिम्रो' फागुन १९ देखि देशभर रिलिज हुदैछ । प्रोमोशन स्वरूप फ्याकिएको ''हे माया तिमी भन्दा म पहिला मर्छु है..." बोलको गीतले चर्चा पाईरहेका बेला उनले नयाँ प्रोमो तयार गरेका छन् ।
अनलाईन दर्शकलाई मध्यनजर गर्दै उनले तयार गरेको 'साथी म तिम्रो' को प्रोमोमा एउटा यस्तो बाल संवाद प्रयोग गरिएको छ जसलाई हेर्दा दर्शक खित्का छाडेर हाँस्न बाध्य हुन्छन् । फिल्मीखबरमार्फत सार्वजनिक गरिएको प्रोमोमा सिनेमा प्रमुख कलाकार शिर्षक सापकोटा भुवनको छोरा भएर अभिनय गरेका छन् । यसअघि फिल्मीखबरबाट सार्वजनिक गरिएको प्रोमोमा कुनै पनि संवाद प्रयोग गरिएको थिएन तर यसपटकको सार्वजनिक प्रोमोमा भने छुद्र भूमिकामा रहेका शिर्षकले भुवनसंग कस्तो संवाद गरेका छन् हेरौं ...
