अन्तत: विभिन्न लफडाको बाबजुत 'दुलही रानी' ले आजबाट फुर्सद पाएकी छिन् । ४७ दिनको लामो छायाकंन पश्चात हिरोइन् रागिनी खड्गीले आज बेलुकीबाट लामो स्वाश फेर्ने मौका पाएकी हुन् ।
सुदुर पश्चिमका विभिन्न रमणीय स्थल हुदै भारतको नैनी ताल, नानक सागर, दिल्ली गेट तथा मेट्रो ट्रेन हुदै काठमाण्डू आएर दुलही रानीको प्याकअप भएको छ । 'बल्ल सकियो सुटिङ धेरै समय लाग्यो यस पालि', २४ औ फिल्मको रूपमा निर्देशन गरिरहेका शोभित बस्नेतले भने । दुलही रानीको इन्डक्ल्याप शनिबार बेलुकी त्रिपुरेश्वर स्थित वर्ल्डट्रेड सेन्टरमा गरिएको हो ।
आउदो चैतको १७ गतेका लागि रिलिज डेट तोकिएको उक्त चलचित्रको प्रोष्टप्रोडक्सनको काम एक दुई दिनमै सुरू गरिने शोभितले बताए । यध्यपी एक साता भित्र अर्को चलचित्र निर्देशनका लागि समेत उनी फ्लोरमा जाने कुरा भैरहेकाले उक्त चलचित्रको सुटिङ र दुलही रानीको प्रोष्टप्रोडक्सनलाई कसरी अगाडी बढाउने भन्ने कुराले तनाव भैरहेको शोभितको भनाइ छ । शोभितका अनुसार निर्देशक विना अड्किएको एक चलचित्रलाई उनले आउदो साता भित्र निर्देशन गर्ने वा नगर्ने भन्ने टुङ्गो लाग्ने छ । 
नेपाली राजनीतिका केपी ओली जस्ता उनी सिनेमा राजनीतिका निकै चलाख ब्यक्तिको रूपमा गनिन्छन् । त्यसैले एउटै सेडुलमा उनी तीनवटा सम्म काम गर्न भ्याउछन् । दुलही रानीको सुटिङको सुरूवातमा हिरोइन रागिनी खड्गीलाई सुदुर पश्चिममै अड्काउदा 'मेरो जिवन साथी' को यूनिटसंग ठूलो विवाद हुदा समेत उनी डगमगाएनन् ।
आजबाट मूक्त भएकी रागीनीकै कारण अबरूद्ध बनेको 'मेरो जिवन साथी' को सुटिङ केही दिनमा पुनः हुदै छ । त्यसैले दुलही रानी रागीनीले केही दिनको विश्राम पश्चात जिवन साथीको क्यामेरा फेस गर्दैछिन् ।
