के तपाईंहरुलाई थाहा छ ? स्वर्गीय अभिनेत्री श्रीदेवीले साउथ फिल्मका सुपरस्टार रजनीकान्तको स्वास्थ्य लाभको काम गर्दै सात दिनसम्म उपवास राखेकी थिइन् । सन् २०११ मा फिल्म ‘राणा’ को छायांकनको क्रममा रजनीकान्तको स्वास्थ्य विग्रिएको थियो । उनको स्वास्थ्य अवस्था निकै गम्भीर भएको थियो । उनलाई भारतबाट सिंगापुरको एक अस्पतालमा रिफर गरिएको थियो ।
रजनीकान्तको उपचार भइरहँदा श्रीदेवीले सात दिनसम्म उपवास राखेकी थिइन् र पुणेमा साईं बाबा मन्दिरमा गएर प्रार्थना पनि गरेकी थिइन् । श्रीदेवी र रजनीकान्तले थुप्रै फिल्ममा काम गरेका छन्, जसमा ‘मून्दरू मुदिचू’, ‘जोनी’ आदी छन् । बिहीवार श्रीदेवीको ५७औं जन्मदिन हो । उनका प्रशंसकहरुले सामाजिक सञ्जालमा विभिन्न पोस्ट गर्दै श्रीदेवीलाई सम्झिएका छन् ।
अभिनय र नृत्य कौशलका कारण आफ्ना प्रशंसकलाई प्रभावित गर्न कहिल्यै विफल नभएकी श्रीदेवीको निधन भएपछि उनको परिवारमा बोनी कपूर र दुई छोरी जान्हवी र खुशी कपूर छन् । जान्हवी एक अभिनेत्री हुन् । उनले ईशान खट्टरसँग फिल्म ‘धडक’ बाट बलिउडमा डेब्यू गरेकी थिइन् । हालै उनी अभिनीत फिल्म ‘गुञ्जन सक्सेना’ ओटीटी प्लेटफर्ममा रिलिज भएको छ ।
