लकडाउनकै समयमा बनाईएको शर्ट फिल्म ‘राहत’ सार्वजनिक भएको छ । पोखराका चलचित्रकर्मीहरुको सक्रियतामा बनेको उक्त फिल्ममा संचारकर्मी समेत रहेका रेम रसाईली, बिभु भुषाल र अनिसा श्रेष्ठ लगायतका कलाकारहरुको अभिनय रहेको छ ।
यस अघि ‘नाईके’ निर्देशन गरेका नेत्र गुरुङको निर्देशनमा बनेको ‘राहत’मा सरकारले गरेको लकडाउनबाट पीडित मजदुरको कथा समेटिएको छ । राज्यले असी करोडको राहत बाँडिएको बताईरहँदा वास्तविक पीडितले भने राहत नपाएको तर जनप्रतिनिधिका आसेपासेहरुले राहतमा रजाईँ गरेको आभास दिने गरी उक्त फिल्म बनाईएको छ ।
‘कोरोना संक्रमणको विश्वव्यापी असरलाई कम गर्न नेपाल सरकारले लकडाउन गर्दा मजदुर तथा विपन्न वर्गका समस्या र उनीहरुका लागि भनेर छुट्टाईएको राहत सहि ठाउँमा नपुगेको खबर सुन्दा नरमाईलो लाग्छ’ निर्देशक गुरुङले भने, ‘यही कुरालाई हामीले सिम्बोलिक रुपमा यो फिल्ममार्फत भन्न खोजेका हौँ’ ।
यो फिल्मलाई यूट्युब मार्फत हेर्न सकिन्छ ।
