.jpg)
आउँदो मंसिर १३ गतेबाट देशैभर एकसाथ प्रदर्शनमा उत्रिन लागेको प्रेमकथानक फिल्म ‘प्रेम संसार’ को अफिसियल पोस्टर लञ्च भएको छ । फिल्मका प्रमुख अभिनेता प्रेम सोनी र अभिनेत्री आयुष्मा कार्की पोस्टरमा निराश मुद्रामा एकअर्काको अंगालोमा देखिएका छन् । पोस्टरले नै फिल्म प्रेम कथामा बनेको प्रस्ट्याउँछ । फिल्मका निर्देशक राम गौतम हुन् ।
फिल्ममा प्रेम र आयुष्मासँगै कविता नेपाली, मोनिका दाहाल, विविशा पाण्डे, राम गौतम, अर्जुन पौडेल, करण पौडेल, सुनिल वि।कलगायतका कलाकारहरुको पनि अभिनय छ । सोनी फिल्म्सको प्रस्तुतिमा बनेको फिल्मको कथा प्रेम बहादुर सुनार (गहतराज) ले लेखेका हुन् । भने, उनी फिल्मका निर्माता पनि हुन् । दिपेन्द्र बस्न्यातले फिल्म खिचेका हुन् ।
कमल सुनार र सीता सुनार पनि निर्माता रहेको फिल्मका कार्यकारी निर्माता उतम केसी र देविन गहतराज हुन् । कलाकार समेत रहेका उत्तमले फिल्ममा आफ्नो अभिनय भने नरहेको गीत सार्वजनिक कार्यक्रममा बताए । यो फिल्ममा शंखर महर्जनको एक्सन छ । अभिनेता प्रेम र अभिनेत्री आयुष्मा फिल्मलाई लिएर निकै उत्साहित रहेको बताउँछन् ।
