फिल्म ‘पर्व’ मा समावेश चर्चित गीत ‘काले दाई’ शिर्षक सापटी लिएर निर्माण भएको फिल्मको ट्रेलर सार्वजनिक भएको छ । असोज १७ गते अर्थात् विजया दशमीको छेकोमा देशव्यापी प्रदर्शनमा आउन लागेको यो फिल्म प्रेममा जात घुसेपछि उत्पन्न हुने द्वन्दको कथामा आधारित रहेको ट्रेलरले प्रस्ट्याउँछ ।
‘काले दाई’ मा इन्द्र रामजाली, शिशिर भण्डारी, अनु पराजुली, सुरेन्द्र केसी, शारदा गिरी, उत्तम केसी, विष्णु सापकोटा, गीता अधिकारी, गोबिन्द श्रेष्ठलगायतका कलाकारहरुको अभिनय छ । शिव शर्मा निर्देशित फिल्मको मूलकथा एक कालो वर्णको युवकको जीवनमा आउने उचार-चढावमा केन्द्रित छ ।
नौधारे फिल्म प्रोडक्सन र रामजाली प्रोडक्सनको ब्यानरमा निर्माण भएको फिल्ममा सम्शेर गुरुङ र ईन्द्र रामजालीको लगानी छ । यसमा इन्द्र रामजाली र किशन अर्यालको कथा, पवन गौतमको छायांकन, कुमार महर्जनको द्वन्द्व, रामजी लामिछानेको कोरियोग्राफी तथा तारा थापा ‘किम्भे’ को सम्पादन छ ।
ट्रेलर हेर्नुहोस् :-
