असार २० गतेबाट प्रदर्शनमा आउन लागेको फिल्म ‘सानो मन’ को शिर्ष गीत इन्टरनेट रिलिज भएको छ । फिल्मको थिम प्रस्ट्याउने गीतमा सुयोग सोताङ्गको संगीत रहेको छ । भने, रोहित जोन क्षेत्रीको स्वर तथा स्वप्निल शर्माको शब्द छ । गीतले फिल्मका लिड अभिनेता आयुष्मान देशराज जोशी र अभिनेत्री शिल्पा मास्केको प्रेम भाव बोल्छ ।
संगीतकार सोताङ्गले बजारमा चलेका गीतभन्दा फिल्मको शिर्ष गीत केही फरक बनेको बताए । ‘सानो मन’ का निर्देशक सुयोग गुरुङ्गले गीतलाई फिल्ममा कथावाचनको रुपमा प्रयोग गरिएको बताए । युवा युवतीबीच नौलो प्रेम हुँदाको क्षण झल्किने यस गीत युवायुवतीको वास्तविकतासँग नजिक रहेको उनको भनाई छ । उनको यो डेब्यू निर्देशन हो ।
आयुष्मान र शिल्पाका अलावा फिल्ममा सक्षम सुवेदी, गौरी मल्ल, विशाल पहारी, शिशिर वाङदेल, रश्मी भट्ट, देव कुमार श्रेष्ठ लगायतका कलाकारहरुको पनि अभिनय छ । ओ.पि.जी फिल्मस्, ए प्लस इन्टरटेन्मेन्ट र हाई टेक इन्टरटेन्मेन्टको संयुक्त ब्यानरमा यो चलचित्र निर्माण भएको हो । सुयोग गुरुङ र मिलन श्रेष्ठले मिलेर फिल्मको सम्पादन गरेका छन् ।
समिर सुनवार र निर्देशक गुरुङको संयुक्त लेखन रहेको ‘सानो मन’ लाई आलोक शुक्लले छायांकन गरेका छन् । काठमाडौं, भैरहवा, बैंकक लगायतका ठाउँहरुमा छायांकन भएको यस फिल्मका निर्माताहरू योगेश गुरुङ, राजीव श्रेष्ठ, रमेश के. मित्तल र राजेन्द्र मानन्धर हुन् । रित बोहरा मुख्य सहायक निर्देशक हुन् प्रोडक्सन डिजाइनर यम ओली हुन् ।
गीत हेर्नुहोस् :-
