नेपालमा हिन्दी फिल्म तथा सिरियल बन्द गर्नुपर्ने भन्दै नेत्र विक्रम चन्द ’विप्लभ’ नेतृत्वको माओवादी पार्टीले 'राष्ट्रिय प्रतिरोध संघर्ष' सुरु गरेको छ । पार्टीले हरेक फिल्म हललाई पत्राचार गर्दै हिन्दी फिल्मको प्रदर्शन रोकेर राष्ट्रियताको पक्षमा उभिन र आफ्नो आन्दोलनलाई साथ दिन आग्रह समेत गरेको छ ।
.jpg)
फिल्मीखबरले प्राप्त गरेको उक्त पार्टीले सिनेमा हललाई पठाएको पत्रमा 'राष्ट्रिय प्रतिरोध संघर्ष'नामक आन्दोलनको कार्यक्रम अन्तर्गत भारतिय टेलिभिजन च्यानल र फिल्मको प्रदर्शन बन्द गर्ने कार्यक्रम रहेको उल्लेख छ । जहाँ हरेक फिल्म हललाई हिन्दी फिल्मको प्रदर्शन तत्काल बन्द गरेर आफुहरुको संघर्षको कार्यक्रम सफल बनाउन र आन्दोलन सफल बनाउन सघाउन आग्रह गरिएको छ ।
पार्टी प्रवक्ता प्रकाण्ड हस्ताक्षरित पत्रमा जनता र नेपाली ईतिहासलाई माथ गर्नेगरी भारतिय विस्तारवादको हस्ताक्षेप र नाकाबन्दीको मारलाई अन्त्य गर्न र यसैको दबाब स्वरुप थालिएको संघर्षको पक्षमा उभिन फिल्म हल सञ्चालकहरुलाई समेत आग्रह गरिएको छ ।
यसैबीच फिल्म वितरकहरुको छाता संगठन चलचित्र संघका महासचिव मधुसुदन प्रधानले सबै हललाई पत्राचार नगरिएको र केहि नाम चलेका हलहरुलाई मात्रै ईङ्गित गरेर हिन्दी फिल्म रोक्न माग गरिएको भन्दै कुनै राजनीतिक संगठनले भन्दैमा हिन्दी फिल्मको प्रदर्शन तत्काल नरोकिने बताएका छन् ।
यदी हिन्दीबाट डबिङ गरी नेपाली टेलिभिजनहरुमा प्रशारण भईरहेका हरेक विज्ञापन रोकिन्छन् र हरेक भारतिय च्यानलहरुको प्रशारण रोकिन्छ भने त्यो समयमा मात्रै हिन्दी फिल्मको प्रदर्शन रोकिन सक्ने प्रधानले फिल्मीखबरलाई बताए ।
